ന്യൂഡെൽഹി: കഴിഞ്ഞ 24 മണിക്കൂറിനുള്ളിൽ രാജ്യത്ത് 18,815 പുതിയ കൊറോണ വൈറസ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. 4.96 ശതമാനമാണ് പ്രതിദിന പോസിറ്റിവിറ്റി നിരക്ക്.
38 പേർക്കാണ് കഴിഞ്ഞ ദിവസം രാജ്യത്ത് കോവിഡ് മൂലം ജീവൻ നഷ്ടമായത്. ഇതോടെ രാജ്യത്തെ ആകെ കോവിഡ് മരണസംഖ്യ 5,25,343 ആയി.
അതേസമയം രോഗമുക്തി നിരക്ക് 98.51 ശതമാനമാണ്.
കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം നിലവിൽ രാജ്യത്ത് 1,22,335 സജീവ കേസുകളാണ് ഉള്ളത്. ഇത് ആകെ രോഗബാധയുടെ 0.28 ശതമാനം ഉൾപ്പെടുന്നു.
രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 198.51 കോടി വാക്സിൻ ഡോസുകൾ രാജ്യത്തുടനീളം വിതരണം ചെയ്തിട്ടുണ്ട്.
Most Read: സജി ചെറിയാന് എതിരായ പരാതി ഗവർണറുടെ പരിഗണനക്ക് വിട്ട് രാഷ്ട്രപതി