ന്യൂഡെൽഹി: രാജ്യത്ത് തിങ്കളാഴ്ച (ജൂൺ 6) റിപ്പോർട് ചെയ്തത് 4,518 പുതിയ കോവിഡ് കേസുകൾ. ഇതോടെ രാജ്യത്ത് ഇതുവരെ റിപ്പോർട് ചെയ്യപ്പെട്ട കോവിഡ്-19 കേസുകളുടെ എണ്ണം 4,31,81335 ആയി.
34 ദിവസത്തിന് ശേഷം പ്രതിദിന പോസിറ്റീവ് നിരക്ക് ഒരു ശതമാനത്തിന് മുകളിൽ രേഖപ്പെടുത്തിയതായി കേന്ദ്ര ആരോഗ്യ മന്ത്രാലയത്തിന്റെ കണക്കുകൾ വ്യക്തമാക്കുന്നു.
കഴിഞ്ഞ 24 മണിക്കൂറിനിടെ 9 പുതിയ പേർക്കാണ് രാജ്യത്ത് കോവിഡ് മൂലം ജീവൻ നഷ്ടമായത്. 5,24,701 പേരാണ് രാജ്യത്ത് ഇതുവരെ കോവിഡ് മൂലം മരണപ്പെട്ടത്.
അതേസമയം പ്രതിദിന പോസിറ്റിവിറ്റി നിരക്ക് 1.62 ശതമാനമാണ്. പ്രതിവാര പോസിറ്റിവിറ്റി നിരക്ക് 0.91 ശതമാനമാണെന്നും ആരോഗ്യ മന്ത്രാലയം അറിയിച്ചു.
നിലവിൽ 25,782 സജീവ കേസുകളാണ് രാജ്യത്തുള്ളത്.
Most Read: വിജയ് ബാബുവിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും