ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 2,876 പുതിയ കോവിഡ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. പ്രതിദിന പോസിറ്റിവിറ്റി നിരക്ക് 0.38 ശതമാനമാണ്.
നിലവിൽ 32,811 സജീവ കേസുകളാണ് രാജ്യത്തുള്ളത്.
കഴിഞ്ഞ 24 മണിക്കൂറിനിടെ 3,884 പേരാണ് രാജ്യത്ത് രോഗമുക്തി നേടിയത്. ഇതുവരെ 4,24,50,055 പേർ കോവിഡിൽ നിന്നും മുക്തി നേടിയിട്ടുണ്ട്.
98 പേർക്കാണ് കഴിഞ്ഞ ദിവസം കോവിഡ് മൂലം ജീവൻ നഷ്ടമായത്. ഇതുവരെയുള്ള കോവിഡ് മരണസംഖ്യ 5,16,072 ആണ്.
കേരളത്തിൽ കഴിഞ്ഞ ദിവസം 1193 പേർക്കാണ് കോവിഡ് സ്ഥിരീകരിച്ചത്. 27,465 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 1,034 പേരും കോവിഡ് മരണം സ്ഥിരീകരിച്ചത് 3 പേർക്കുമാണ്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. ആരോഗ്യ മന്ത്രാലയത്തിന്റെ കണക്ക് പ്രകാരം ഇതുവരെ 1,80,60,93,107 വാക്സിൻ ഡോസുകളാണ് രാജ്യത്തുടനീളമായി വിതരണം ചെയ്തത്.
Most Read: ഐഎഫ്എഫ്കെ; ഡെലിഗേറ്റ് പാസ് വിതരണം ഇന്ന് മുതൽ