ന്യൂഡെൽഹി: 24 മണിക്കൂറിനിടെ 11,610 പേർക്കുകൂടി കോവിഡ് സ്ഥിരീകരിച്ചതോടെ രാജ്യത്ത് ഇതുവരെ റിപ്പോർട് ചെയ്ത കേസുകളുടെ എണ്ണം 1,09,37,320 ആയി ഉയർന്നതായി കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്ത് രോഗമുക്തി നേടിയവരുടെ എണ്ണം 1,06,44,858 ആയതായും മന്ത്രാലയത്തിന്റെ കണക്കുകൾ വ്യക്തമാക്കുന്നു.
നിലവിൽ രാജ്യത്ത് 1,36,549 സജീവ കേസുകളാണുള്ളത്. ഇത് ആകെയുള്ള കോവിഡ് കേസുകളുടെ 1.25 ശതമാനം മാത്രമാണ്.
രാജ്യത്ത് രോഗമുക്തി നിരക്ക് 97.33 ശതമാനമായി ഉയർന്നുവെന്ന് ആരോഗ്യ മന്ത്രാലയം അറിയിച്ചു. അതേസമയം മരണനിരക്ക് 1.43 ശതമാനമാണ്. 1,55,913 പേർക്ക് രാജ്യത്ത് ഇതുവരെ കോവിഡ് മൂലം ജീവൻ നഷ്ടമായി. കഴിഞ്ഞ 24 മണിക്കൂറിനിടെ മാത്രം 100 മരണങ്ങളാണ് റിപ്പോർട് ചെയ്യപ്പെട്ടത്.
രാജ്യത്ത് ഫെബ്രുവരി 16 വരെ 20,79,77,229 സാമ്പിളുകളുടെ പരിശോധനയാണ് പൂർത്തിയാക്കിയത്. ഇന്നലെ മാത്രം 6,44,931 സാമ്പിളുകൾ പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെ കണക്കുകൾ വ്യക്തമാക്കുന്നു.
ഇന്ത്യയിൽ ഇതുവരെ 89,99,230 പേർക്കാണ് കോവിഡ് വാക്സിൻ നൽകിയതെന്ന് ആരോഗ്യ മന്ത്രാലയം അറിയിച്ചു.
Read Also: ‘ജനങ്ങളുടെ വിജയം’; കിരൺ ബേദിയെ പുറത്താക്കിയതിൽ പ്രതികരിച്ച് പുതുച്ചേരി മുഖ്യമന്ത്രി