ന്യൂഡെല്ഹി: രാജ്യത്തിന്റെ പ്രധാന ആവശ്യങ്ങളിൽ ഒന്ന് പരിണാമമാണെന്ന് പ്രധാനമന്ത്രി നരേന്ദ്ര മോദി. ഇന്ത്യക്ക് വിപ്ളവമല്ല ആവശ്യമെന്നും പരിണാമമാണ് വേണ്ടതെന്നും ആയിരുന്നു പ്രധാന മന്ത്രിയുടെ പ്രസ്താവന. ഇന്ത്യയുടെ ചരിത്രവും പാരമ്പര്യവും വികസനത്തിനൊപ്പം പോകണമെന്നും അദ്ദേഹം പറഞ്ഞു.
ഓള് ഇന്ത്യ മേയര്മാരുടെ സമ്മേളനം വിര്ച്വല് കോണ്ഫറന്സിംഗിലൂടെ ഉൽഘാടനം ചെയ്യവേ ആയിരുന്നു പ്രധാനമന്ത്രിയുടെ പരാമര്ശം. “നമ്മള് പരിണാമത്തില് വിശ്വസിക്കണം. ഇന്ത്യക്ക് വിപ്ളവമല്ല, പരിണാമമാണ് വേണ്ടത്. നമുക്കുള്ളതെല്ലാം സംരക്ഷിച്ച് സാങ്കേതിക നവീകരണത്തിലേക്ക് നീങ്ങണം,”-മോദി പറഞ്ഞു.
രാജ്യത്തെ മിക്ക നഗരങ്ങളും പരമ്പരാഗത നഗരങ്ങളാണെന്നും പരമ്പരാഗത രീതിയില് വികസിപ്പിച്ചതാണെന്നും ആധുനികവല്ക്കരണ കാലഘട്ടത്തില്, ഈ നഗരങ്ങളുടെ പൗരാണികതയും ഒരുപോലെ പ്രധാനമാണെന്നും അദ്ദേഹം പറഞ്ഞു.
‘ലോകമെമ്പാടുമുള്ള വിനോദസഞ്ചാരികള് കാശിയിലെ ഗംഗാഘട്ടിലേക്ക് വരുന്നു. കാശിയുടെ സമ്പദ് വ്യവസ്ഥയെ നയിക്കുന്നതില് ഗംഗാ നദിക്ക് വലിയ സ്ഥാനമുണ്ട്,”- മോദി പറഞ്ഞു. നഗരത്തില് എല്ലാ വര്ഷവും ഏഴ് ദിവസം നദീ ഉൽസവം ആഘോഷിക്കണമെന്നും മോദി പറഞ്ഞു.
Read also: ‘ബലാൽസംഗം തടയാൻ ആകുന്നില്ലെങ്കിൽ ആസ്വദിക്കൂ’; സ്ത്രീവിരുദ്ധ പരാമർശം നടത്തി കോൺഗ്രസ് എംഎൽഎ