ന്യൂഡെൽഹി: യുകെ പൗരൻമാർക്ക് ഏർപ്പെടുത്തിയിരുന്ന നിർബന്ധിത ക്വാറന്റെയ്ൻ പിൻവലിച്ച് ഇന്ത്യ. 10 ദിവസത്തെ നിർബന്ധിത ക്വാറന്റെയ്‌നാണ് യുകെ പൗരൻമാർക്ക് ഇന്ത്യ ഏർപ്പെടുത്തിയിരുന്നത്. കോവിഡ് വ്യാപനത്തിന്റെ പശ്‌ചാത്തലത്തിൽ ഇന്ത്യൻ പൗരൻമാർക്ക് യുകെയിൽ ഏർപ്പെടുത്തിയിരുന്ന ക്വാറന്റെയ്ൻ യുകെ പിൻവലിച്ച സാഹചര്യത്തിലാണ് ഇന്ത്യയും വിട്ടുവീഴ്‌ചക്ക് തയ്യാറായത്.
രാജ്യാന്തര യാത്രാ മാനദണ്ഡങ്ങള്‍ പരിഷ്‌കരിച്ച യുകെ ഇന്ത്യയില്‍ നിന്നുള്ള യാത്രക്കാര്‍ക്ക് ക്വാറന്റെയ്‌നും, കോവിഡ് നെഗറ്റീവ് സർട്ടിഫിക്കറ്റും നിർബന്ധമാക്കിയിരുന്നു. അതിന് പിന്നാലെയാണ് രാജ്യത്തെത്തുന്ന യുകെ പൗരൻമാർക്കും ക്വാറന്റെയ്‌നും, കോവിഡ് നെഗറ്റീവ് സർട്ടിഫിക്കറ്റും ഇന്ത്യ നിർബന്ധമാക്കിയത്.
Read also: സോളാർ കേസ്: ആര്യാടൻ മുഹമ്മദിനെതിരെ വിജിലൻസ് അന്വേഷണം; തീരുമാനം മന്ത്രിസഭയിൽ
