പുത്തൻ ഫീച്ചറുമായി ഇൻസ്റ്റഗ്രാം. ഇനി മുതൽ ഇൻസ്റ്റഗ്രാം ഉപയോക്താക്കൾക്ക് പോസ്റ്റുകൾക്കൊപ്പം ഇഷ്ടമുള്ള ഗാനങ്ങളും ആഡ് ചെയ്യാനാവും. ഇതുവരെ ഇൻസ്റ്റഗ്രാമിൽ സ്റ്റോറികൾക്കൊപ്പവും, റീലുകൾക്കൊപ്പവും മാത്രമാണ് മ്യൂസിക് ആഡ് ചെയ്യാൻ സാധിച്ചിരുന്നത്.
പോസ്റ്റുകൾക്കൊപ്പം മ്യൂസിക് ആഡ് ചെയ്യുന്ന ഫീച്ചറുമായാണ് ഇന്സ്റ്റഗ്രാമിന്റെ പുതിയ അപ്ഡേഷൻ. ഇൻസ്റ്റഗ്രാം സ്റ്റോറികളിൽ ഗാനങ്ങൾ ചേർക്കുന്നത് പോലെ തന്നെയാണ് പോസ്റ്റുകളിലും ചേർക്കേണ്ടത്. ഇഷ്ടഗാനങ്ങൾ ബ്രൗസ് ചെയ്തശേഷം അവ പോസ്റ്റിനൊപ്പം ആഡ് ചെയ്യാനാവും. സ്റ്റോറികളിൽ ഗാനത്തിന്റെ പേര് തെളിഞ്ഞു കാണുന്നതിന് സമാനമായി പോസ്റ്റുകളുടെ മുകളിലും ഇനി ഗാനത്തിന്റെ പേര് കാണാനാവും.
ഇന്ത്യയിലേയും തുർക്കിയിലേയും ബ്രസീലിലേയും ഇൻസ്റ്റഗ്രാം ഉപയോക്താക്കൾക്കാണ് പുതിയ ഫീച്ചർ ലഭ്യമാവുക. മറ്റുരാജ്യങ്ങളെ അപേക്ഷിച്ച് ഇന്ത്യയില് ഇൻസ്റ്റഗ്രാം ഉപയോക്താക്കൾ കൂടുതലാണെന്നതാണ് പുതിയ ഫീച്ചറുകൾ ആദ്യം അവതരിപ്പിക്കുന്ന രാജ്യങ്ങളിൽ ഇന്ത്യയെയും ഉൾപ്പെടുത്താൻ കമ്പനിയെ പ്രേരിപ്പിക്കുന്നത്.
Entertainment News: ജയ് ഭീം; മേൽജാതിക്കാരുടെ ഭീഷണിയും സൂര്യയുടെ നിലപാടും