മലപ്പുറം: കെപിസിസി അധ്യക്ഷന് കെ സുധാകരനെതിരായ വിജിലൻസ് അന്വേഷണം രാഷ്ട്രീയ പ്രേരിതമെന്ന് മുസ്ലിം ലീഗ് ജനറല് സെക്രട്ടറി പികെ കുഞ്ഞാലിക്കുട്ടി. രാഷ്ട്രീയ എതിരാളികളെ തക്കം നോക്കി വേട്ടയാടുന്ന ഇടത് സര്ക്കാരിന്റെ പതിവ് ശൈലിയുടെ ഉദാഹരണമാണ് ഇതെന്നും കുഞ്ഞാലിക്കുട്ടി പറഞ്ഞു.
കെ കരുണാകരൻ ട്രസ്റ്റിന്റെ പേരിൽ പണപ്പിരിവ് നടത്തിയെന്നും കണ്ണൂർ ഡിസിസി ഓഫീസ് നിർമാണത്തിൽ ക്രമക്കേട് ഉണ്ടായിട്ടുണ്ടെന്നും കാണിച്ച് കെ സുധാകരന്റെ മുൻ ഡ്രൈവർ പ്രശാന്ത് ബാബു നൽകിയ പരാതിയിലാണ് അന്വേഷണം നടത്താൻ ഉത്തരവിട്ടത്. പ്രാഥമിക അന്വേഷണം നടത്തി റിപ്പോർട് നൽകാനാണ് വിജിലൻസ് ഡയറക്ടറുടെ ഉത്തരവ്. പരാതി കോഴിക്കോട് വിജിലൻസ് എസ്പിക്ക് കൈമാറിയിട്ടുണ്ട്.
Read also: മരം മുറിക്കൽ; വനം, റവന്യൂ മന്ത്രിമാർക്ക് എതിരെ കേസെടുക്കണം; വിഡി സതീശൻ