മുംബൈ: ലഹരിമരുന്ന് കടത്ത് കേസിൽ ദാവൂദ് ഇബ്രാഹിമിന്റെ സഹോദരൻ ഇക്‌ബാൽ കസ്‌കറിനെ നർക്കോട്ടിക്‌സ് കൺട്രോൾ ബ്യൂറോ (എൻസിബി) അറസ്‌റ്റ് ചെയ്‌തു. ജമ്മു കശ്‌മീരിൽ നിന്ന് 25 കിലോ ചരസ് പഞ്ചാബിലേക്ക് കടത്തിയതുമായി ബന്ധപ്പെട്ട കേസിലാണ് നടപടി. 2003ൽ യുഎഇയിൽ നിന്ന് നാടുകടത്തപ്പെട്ട ഇക്‌ബാൽ കസ്‌കറിനെ 2017ൽ ഭീഷണിപ്പെടുത്തി പണം തട്ടിയ കേസിൽ അറസ്‌റ്റ് ചെയ്‌തിരുന്നു. മുംബൈയിൽ ദാവൂദ് ഇബ്രാഹിമിന്റെ ഭൂമിയിടപാടുകൾ കൈകാര്യം ചെയ്‌തിരുന്നത്‌ ഇയാളാണ്.
ലഹരിമരുന്ന് ഇടപാടുകാരനായ ഹാരിസ് ഖാനെ ഈ മാസം തുടക്കത്തിൽ എൻസിബി അറസ്‌റ്റ് ചെയ്‌തിരുന്നു. ദാവൂദിന്റെ അനുയായിയായ ചിങ്കു പഠാനുമായുള്ള ബന്ധത്തെ തുടർന്നാണ് ഹാരിസിനെ അറസ്‌റ്റ് ചെയ്‌തത്‌. ഇതിന് പിന്നാലെയാണ് ഇക്‌ബാൽ കസ്‌കറിന്റെ അറസ്‌റ്റ്.
Read also: വിവാദ പ്രസ്‌താവന; കേസുകൾ റദ്ദാക്കണമെന്ന ആവശ്യവുമായി രാംദേവ് സുപ്രീം കോടതിയിൽ
