വയനാട്: ഐഎസ് തീവ്രവാദ കേസിൽ വയനാട് സ്വദേശിക്ക് അഞ്ച് വർഷം കഠിന തടവ്. കൽപ്പറ്റ സ്വദേശി നാഷിദുൾ ഹംസഫറിനെതിരെയാണ് കൊച്ചി എൻഐഎ കോടതി ശിക്ഷ വിധിച്ചത്. കാസർഗോഡ് സ്വദേശികൾക്കൊപ്പം ഐഎസ് തീവ്രവാദ സംഘടനയിൽ ചേരുന്നതിനായി നാഷിദുൾ അഫ്‌ഗാനിസ്‌ഥാനിൽ എത്തിയിരുന്നു. തുടർന്നാണ് സുരക്ഷാ സേനയുടെ പിടിയിലായത്.
2018ൽ ഇന്ത്യയിലേക്ക് നാടുകടത്തിയപ്പോഴാണ് നാഷിദുളിനെ എൻഐഎ അറസ്‌റ്റ് ചെയ്‌തത്‌. നാഷിദുളിനൊപ്പം ഐഎസിൽ ചേരാനായി പോയ മറ്റൊരു വയനാട് സ്വദേശി കേസിൽ മാപ്പുസാക്ഷിയായി. നിലവിൽ മൂന്ന് വർഷത്തിലധികമായി ജയിൽ ശിക്ഷ അനുഭവിക്കുന്ന പ്രതിക്ക് ഒരു വർഷവും പത്ത് മാസവും കഴിഞ്ഞാൽ ശിക്ഷ പൂർത്തിയാക്കി ജയിൽ മോചിതനാകാമെന്ന് കോടതി അറിയിച്ചു.
Most Read: കുഞ്ഞ് അനുപമയുടേത്‌ തന്നെ; ഡിഎൻഎ ഫലം പുറത്ത്
