ഗോവ: ഐഎസ്എല്ലിൽ ഇന്ന് വാശിയേറിയ പോരാട്ടത്തിൽ ഒന്നാം സ്ഥാനക്കാരായ എടികെ മോഹൻബഗാൻ ഹൈദരാബാദ് എഫ്സിയെ നേരിടും. വൈകീട്ട് ഏഴരക്കാണ് മൽസരം ആരംഭിക്കുന്നത്. ഗോവയിലെ തിലക് മൈതാനിൽ വച്ചാണ് മൽസരം നടക്കുന്നത്. നേരത്തെ ഇരുടീമുകളും ഏറ്റുമുട്ടിയപ്പോൾ സമനിലയായിരുന്നു ഫലം. 18 കളികളിൽ നിന്ന് 27 പോയിന്റുമായി ഹൈദരാബാദ് എഫ്സി നാലാം സ്ഥാനത്താണ്. ഇന്നത്തെ മൽസരം ജയിച്ചാൽ ഹൈദരാബാദ് പ്ളേ ഓഫിലേക്ക് ഒന്നുകൂടി അടുക്കും.
18 കളികളിൽ നിന്ന് 39 പോയിന്റുമായി എടികെ മോഹൻബഗാൻ പട്ടികയിൽ ഒന്നാമതാണ്. ഇതിൽ 12 ജയങ്ങളാണുള്ളത്. കഴിഞ്ഞ മൽസരത്തിൽ കേരള ബ്ളാസ്റ്റേഴ്സിനെ 4-0 തകർത്ത ഹൈദരാബാദ് 10 മൽസരങ്ങളിൽ തോൽവിയറിയാതെ മുന്നേറുകയാണ്. എടികെയാവട്ടെ കൊൽക്കത്ത ഡെർബിയിൽ ഈസ്റ്റ് ബംഗാളിനെ തകർത്താണ് വരുന്നത്. ലീഗിൽ ഒന്നാമത് എത്തുന്നവർക്ക് ലഭിക്കുന്ന ഷീൽഡാവും എടികെ ലക്ഷ്യമിടുന്നത്.
Read Also: ദാദാസാഹിബ് ഫാൽക്കെ അവാർഡ്; മികച്ച നടൻ അക്ഷയ് കുമാർ; ദീപിക മികച്ച നടി