പനാജി: ഇന്ത്യൻ സൂപ്പർലീഗ് ഫുട്‍ബോളിൽ ഇന്ന് കരുത്തരുടെ പോരാട്ടം. ഹൈദരാബാദ് എഫ്‍സിയുടെ എതിരാളികളായി എത്തുന്നത് മുൻ ചാമ്പ്യൻമാരായ ചെന്നൈയിൻ എഫ്‌സിയാണ്‌. വൈകീട്ട് 7.30നാണ് മൽസരം ആരംഭിക്കുക. കഴിഞ്ഞ കളിയിൽ കേരള ബ്ളാസ്‌റ്റേഴ്‌സിന് എതിരെ തോറ്റ ഹൈദരാബാദിന് മുന്നോട്ടുള്ള പ്രയാണത്തിന് വിജയം കൂടിയേ തീരൂ.
ഗോവയോട് തോൽവി ഏറ്റുവാങ്ങിയാണ് ചെന്നൈയിന്റെ വരവ്. വ്ളാദിമിർ കോമാൻ, ബോറിസൂക്ക് തുടങ്ങിയ മികച്ച വിദേശ താരങ്ങൾ ഉള്ള ചെന്നൈയിൻ നിലവിൽ 14 പോയിന്റുമായി പട്ടികയിൽ 6ആം സ്‌ഥാനത്താണ്. മറുഭാഗത്ത് ഹൈദരാബാദ് നിരയിൽ ഓഗ്‌ബച്ചേ, ജാവോ വിക്റ്റർ, എഡു ഗാർഷ്യ തുടങ്ങിയ പ്രതിഭാധനർ ഉണ്ട്. 16 പോയിന്റുമായി പട്ടികയിൽ നാലാം സ്‌ഥാനത്താണ് അവരുള്ളത്.
Read Also: കോവിഡ് ക്ളസ്‌റ്റര്‍ മറച്ചുവെക്കുന്ന സ്‌ഥാപനങ്ങള്‍ക്ക് എതിരെ നടപടി; ആരോഗ്യമന്ത്രി
