തിരുവനന്തപുരം: നിയമസഭാ സ്പീക്കർക്ക് രാഷ്ട്രീയം പാടില്ലെന്നത് അന്ധവിശ്വാസമായി തന്നെ തുടരുന്നതായി സ്പീക്കർ എംബി രാജേഷ്. എന്നാൽ അത്തരമൊരു സാഹചര്യമില്ലെന്നും, ദൈനംദിന കക്ഷി രാഷ്ട്രീയത്തിൽ ഇടപെടരുതെന്ന പരിമിതി മാത്രമാണ് സ്പീക്കർക്ക് ഉള്ളതെന്നും എംബി രാജേഷ് അഭിപ്രായപ്പെട്ടു.
സ്പീക്കർക്ക് രാഷ്ട്രീയം പാടില്ലെന്നത് ഭരണഘടനയിൽ എവിടെയും ഇല്ലെന്നും അതിനാൽ ഭരണഘടനാപരമായ സ്വാതന്ത്ര്യം ഉപയോഗിക്കാമെന്നും എംബി രാജേഷ് വ്യക്തമാക്കി. ഈ പദവിയിൽ ഉള്ളവർക്ക് രാഷ്ട്രീയം പാടില്ലെന്നത് അന്ധവിശ്വാസമായി ഇപ്പോഴും തുടരുകയാണ്. ദൈനംദിന കക്ഷി രാഷ്ട്രീയത്തിൽ ഇടപെടുന്നതിന് പരിമിതിയുണ്ട്. അതിനപ്പുറം വിലക്കുകൾ ഒന്നുമില്ലെന്ന് എംബി രാജേഷ് ചൂണ്ടിക്കാട്ടി.
Read Also: സ്ത്രീ സുരക്ഷ; കേരള പോലീസിനെതിരെ രൂക്ഷ വിമർശനവുമായി ആനിരാജ