ഗുവാഹത്തി: ഗുജറാത്തിലെ സ്വതന്ത്ര എംഎൽഎ ജിഗ്നേഷ് മേവാനിക്ക് വീണ്ടും ജാമ്യം. വനിത പോലീസ് ഓഫീസറെ അപമാനിച്ചെന്ന കേസിലാണ് ജിഗ്നേഷിന് ഇപ്പോൾ ജാമ്യം ലഭിച്ചിരിക്കുന്നത്. അസം കോടതിയാണ് ജാമ്യം അനുവദിച്ചത്.
പ്രധാനമന്ത്രി നരേന്ദ്ര മോദിയെ വിമർശിച്ചുകൊണ്ട് പോസ്റ്റ് ചെയ്ത ട്വീറ്റുമായി ബന്ധപ്പെട്ടാണ് ജിഗ്നേഷ് മേവാനിയെ ആദ്യം പോലീസ് അറസ്റ്റ് ചെയ്തത്. ഗുജറാത്തിലെ പാലംപൂരിൽ നിന്നും അറസ്റ്റ് ചെയ്ത മേവാനിയേ അസമിലേക്ക് കൊണ്ടുപോകാനായി വിമാനത്താവളത്തിൽ എത്തിച്ചപ്പോൾ വനിത സബ് ഇൻസ്പെക്ടറെ അപമാനിച്ചതിനാണ് രണ്ടാമതും അറസ്റ്റ് ചെയ്തത്.
പ്രധാനമന്ത്രിക്കെതിരെയുള്ള ട്വീറ്റുമായി ബന്ധപ്പെട്ട കേസിൽ ഏപ്രിൽ 25ആം തീയതിയാണ് മേവാനിക്ക് ജാമ്യം ലഭിച്ചത്. എന്നാൽ അതിന് പിന്നാലെ നിമിഷങ്ങൾക്കുള്ളിൽ തന്നെ മേവാനിയെ രണ്ടാമത്തെ കേസിൽ അസം പോലീസ് അറസ്റ്റ് ചെയ്യുകയായിരുന്നു.
Read also: ദക്ഷിണാഫ്രിക്കയിൽ കോവിഡ് അഞ്ചാം തരംഗമെന്ന് ആരോഗ്യ വിദഗ്ധർ