കോട്ടയം: കോൺഗ്രസിനകത്ത് ജിഹാദികൾ പിടിമുറുക്കുന്നതായി ബിജെപി സംസ്‌ഥാന പ്രസിഡണ്ട് കെ സുരേന്ദ്രൻ. ഇവർ ജമാഅത്തെ ഇസ്‌ലാമിയുടെ ആശയത്തിലാണ് പ്രവർത്തിക്കുന്നത് എന്നും സുരേന്ദ്രൻ പറഞ്ഞു. കടുതുരുത്തിയിൽ വിജയയാത്രക്ക് നൽകിയ സ്വീകരണത്തിലാണ് സുരേന്ദ്രന്റെ ആരോപണം.
കോൺഗ്രസിൽ എ, ഐ ഗ്രൂപ്പുകളേക്കാൾ ശക്‌തമാണ് ജിഹാദി ഗ്രൂപ്പ്. യുഡിഎഫിൽ ആരെ നേതാവാക്കണം എന്നും ആരൊക്കെ മൽസരിക്കണം എന്നുമുള്ള തീരുമാനങ്ങൾ എടുക്കുന്നത് ജിഹാദി ഗ്രൂപ്പാണ്. കോൺഗ്രസിന് ഇതിനെതിരെ ഒന്നും ചെയ്യാൻ സാധിക്കില്ല. അതുകൊണ്ടാണ് ഇങ്ങനെ പോയാൽ കോൺഗ്രസ് മുഴുവൻ ബിജെപിയാകുമെന്ന് കെ സുധാകരൻ പറഞ്ഞത്.
ഹിന്ദു, ക്രിസ്‌ത്യൻ പെൺകുട്ടികളെ ജിഹാദികൾ മതപരിവർത്തനം നടത്തുകയാണെന്നും ഒരുമിച്ച് നിന്നാൽ എല്ലാവർക്കും രക്ഷയുണ്ടെന്നും സുരേന്ദ്രൻ കോട്ടയത്ത് പറഞ്ഞു.
Read also: ഗുരുവായൂർ ഉൽസവം; ദർശനത്തിന് കൂടുതൽ ഇളവുകൾ പ്രഖ്യാപിച്ചു
