തിരുവനന്തപുരം : ഇടത് മുന്നണിയില്‍ പ്രവേശിച്ച ജോസ് കെ മാണി വിഭാഗത്തിന് ഇത്തവണത്തെ തദ്ദേശ തിരഞ്ഞെടുപ്പില്‍ തിരുവനന്തപുരം കോര്‍പ്പറേഷനില്‍ സീറ്റ് നല്‍കി. കാലടി, നാലാഞ്ചിറ വാര്‍ഡുകളിലാണ് പാര്‍ട്ടി മൽസരിക്കുന്നത്. കാലടി വാര്‍ഡില്‍ നേരത്തെ സിപിഎം സ്‌ഥാനാര്‍ത്ഥിയെ പ്രഖ്യാപിച്ചിരുന്നു. എന്നാല്‍ പിന്നീട് അവിടെ നിന്നും സിപിഎം സ്‌ഥാനാര്‍ത്ഥിയെ മാറ്റിയാണ് ജോസ് കെ മാണി വിഭാഗത്തിന് സീറ്റ് നല്‍കിയത്.
സംസ്‌ഥാനത്ത് ഇത്തവണ മൂന്ന് ഘട്ടങ്ങളിലായാണ് തദ്ദേശ തിരഞ്ഞെടുപ്പ് നടക്കുന്നത്.ഡിസംബര്‍ 8,10,14 തീയതികളിലായി വോട്ടെടുപ്പും, ഡിസംബര്‍ 15 ആം തീയതി വോട്ടെണ്ണലും നടക്കും. കോവിഡ് ബാധിതരായി ചികിൽസയില്‍ കഴിയുന്ന ആളുകള്‍ക്കും, നിരീക്ഷണത്തില്‍ കഴിയുന്നവര്‍ക്കും തപാല്‍ വോട്ട് ചെയ്യാനുള്ള സൗകര്യം ഒരുക്കിയിട്ടുണ്ട്.
Read also : മതിയായ രേഖകളില്ല; കേരളത്തിലെത്തിയ 16 കുട്ടികളെ ശിശുക്ഷേമ സമിതിക്ക് കൈമാറി
