തിരുവനന്തപുരം: തദ്ദേശ സ്ഥാപനങ്ങളിലേക്ക് തിരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞ ഇന്ന്. കോവിഡ് പ്രോട്ടോക്കോള് അനുസരിച്ചാകും ചടങ്ങുകള്. ത്രിതല പഞ്ചായത്തുകളിലും നഗരസഭകളിലും രാവിലെ പത്തു മണിക്കും കോര്പറേഷനുകളില് പതിനൊന്നരക്കുമാണ് സത്യപ്രതിജ്ഞാ ചടങ്ങ്.
കോര്പ്പറേഷനുകളില് ജില്ലാ കളക്ടർമാര് സത്യവാചകം ചൊല്ലിക്കൊടുക്കും. മറ്റു തദ്ദേശ സ്ഥാപനങ്ങളില് വരണാധികാരികളാണ് സത്യവാചകം ചൊല്ലിക്കൊടുക്കുന്നത്. പ്രായംകൂടിയ അംഗത്തിനാണ് ഉദ്യോഗസ്ഥര് സത്യപ്രതിജ്ഞ ചൊല്ലിക്കൊടുക്കുക. മറ്റ് അംഗങ്ങള്ക്ക് ഈ മുതിര്ന്ന അംഗമാണ് സത്യവാചകം ചൊല്ലിക്കൊടുക്കേണ്ടത്.
സത്യപ്രതിജ്ഞക്ക് ശേഷം ആദ്യ കൗണ്സില് യോഗവും ഇന്ന് ചേരും. ആദ്യം സത്യപ്രതിജ്ഞ ചെയ്ത മുതിര്ന്ന അംഗത്തിന്റെ അധ്യക്ഷതയിലാകും യോഗം. കോവിഡ് പോസിറ്റീവായതോ ക്വാറന്റെയ്നില് ഉള്ളതോ ആയ അംഗങ്ങള്ക്ക് പിപിഇ കിറ്റ് ധരിച്ച് സത്യപ്രതിജ്ഞ ചെയ്യാന് അവസരമുണ്ടാകും. മറ്റംഗങ്ങളുടെ സത്യപ്രതിജ്ഞക്ക് ശേഷമാകും ഇവര്ക്ക് അവസരം.
Also Read: ഇന്ത്യയില് ജനാധിപത്യം പുനഃസ്ഥാപിക്കാന് കഴിയുക രാഹുല് ഗാന്ധിക്ക് മാത്രം; ടിപിസിസി
