തിരുവനന്തപുരം: സ്ഥാനാർഥികളുടെ മരണത്തെ തുടർന്ന് മാറ്റിവെച്ച 7 തദ്ദേശ സ്വയംഭരണ വാർഡുകളിലെ പ്രത്യേക തിരഞ്ഞെടുപ്പ് വ്യാഴാഴ്ച (നാളെ) നടക്കും.
കണ്ണൂർ ജില്ലാ പഞ്ചായത്തിലെ തില്ലങ്കേരി (07), കോഴിക്കോട് മാവൂർ പഞ്ചായത്തിലെ താത്തൂർപൊയിൽ (11), തൃശൂർ കോർപറേഷനിലെ പുല്ലഴി വാർഡ് (47), എറണാകുളം കളമശ്ശേരി മുനിസിപ്പാലിറ്റിയിലെ മുൻസിപ്പൽ വാർഡ് (37), ആലപ്പുഴ ചെട്ടികുളങ്ങര ഗ്രാമപഞ്ചായത്തിലെ പിഎച്ച്സി വാർഡ് (07), കൊല്ലം പൻമന ഗ്രാമപഞ്ചായത്തിലെ പറമ്പിമുക്ക് (05), ചോല (13) എന്നിവിടങ്ങളിലാണ് പ്രത്യേക തിരഞ്ഞെടുപ്പ് നടക്കുക.
ജനുവരി 4നായിരുന്നു നാമനിർദേശ പത്രിക സമർപ്പണം. നാമനിർദേശ പത്രികയുടെ സൂക്ഷ്മ പരിശോധന ജനുവരി 5ന് നടന്നു. സ്ഥാനാർഥിത്വം പിൻവലിക്കാനുള്ള അവസാന തീയതി ജനുവരി 7നായിരുന്നു. രാവിലെ 7 മുതൽ വൈകിട്ട് 6 വരെയാണ് നാളെ വോട്ടെടുപ്പ് നടക്കുക. വോട്ടെണ്ണൽ ജനുവരി 22 രാവിലെ 8ന് ആരംഭിക്കും.
Read also: ദീര്ഘാവധിക്ക് ശേഷം ജോലിയിൽ പ്രവേശിക്കാന് ചീഫ് ഓഫീസ് അനുമതി നിര്ബന്ധം; ബിജു പ്രഭാകര്