തിരുവനന്തപുരം: ദീര്‍ഘാവധി കഴിഞ്ഞ് കെഎസ്ആര്‍ടിസിയില്‍ തിരികെ ജോലിയില്‍ പ്രവേശിക്കുന്ന ജീവനക്കാര്‍ക്ക് ചീഫ് ഓഫീസിന്റെ അനുമതി നിര്‍ബന്ധമെന്ന് സിഎംഡി ബിജു പ്രഭാകര്‍. ശൂന്യ വേതന അവധിയെടുത്ത ശേഷം കാലാവധി കഴിഞ്ഞിട്ടും ജോലിക്ക് ഹാജരാകാതിരിക്കുന്ന ജീവനക്കാര്‍ക്ക് ചീഫ് ഓഫീസ് ഉത്തരവില്ലാതെ തിരികെ ജോലിയില്‍ പ്രവേശനം നല്‍കില്ല.
അവധിയുടെ കാലാവധി കഴിഞ്ഞ ശേഷവും ജോലിയില്‍ തിരികെ പ്രവേശിക്കാതിരിക്കുന്നത് ഗുരുതരമായ ചട്ടലംഘനമാണെന്നും ചീഫ് ഓഫീസ് ഉത്തരവില്ലാതെ യൂണിറ്റ് ഓഫീസര്‍മാര്‍ ജോലിക്കാര്‍ക്ക് തിരികെ പ്രവേശിക്കാന്‍ അനുമതി നല്‍കുന്നത് നിലവിലുള്ള ഉത്തരവുകളുടെ ലംഘനമെന്നും ബിജു പ്രഭാകര്‍ പറഞ്ഞു. ചീഫ് ഓഫീസ് ഉത്തരവില്ലാതെ പുനഃപ്രവേശനം നല്‍കുന്ന യൂണിറ്റ് ഓഫീസര്‍മാര്‍ക്കെതിരെ കര്‍ശന അച്ചടക്ക നടപടി പ്രതീക്ഷിക്കാമെന്നും ബിജു പ്രഭാകര്‍ പറഞ്ഞു.
Read also: ഒറ്റക്കല്ല ഒപ്പമുണ്ട്; സംസ്‌ഥാനത്ത് 66 ലക്ഷം പേര്‍ക്ക് സൈക്കോ സോഷ്യല്‍ സപ്പോര്‍ട്ട് ലഭ്യമാക്കി
