കണ്ണൂര്: കെഎസ്ആര്ടിസിയിലെ പ്രശ്നങ്ങള് ശരിയാകാന് വകുപ്പ് സിപിഐഎം ഏറ്റെടുക്കണമെന്ന് ഗണേഷ് കുമാര് എംഎല്എ. സര്ക്കാര് ഇതുവരെ പറഞ്ഞതെല്ലാം ശരിയായില്ലെ, ഇനി കെഎസ്ആര്ടിസിയിലെ പ്രശ്നമല്ലെ ശരിയാകാനുള്ളൂവെന്നും ഗണേഷ് കുമാര് പറഞ്ഞു.
ആവശ്യമില്ലാത്ത ഓഫീസും അനുബന്ധ സ്ഥാപനങ്ങളും കെഎസ്ആര്ടിസി പൂട്ടണമെന്നും താന് മന്ത്രിയായിരുന്ന സമയത്ത് സര്ക്കാര് സഹായം ഇല്ലാതെ ശമ്പളവും പെന്ഷനും കൊടുത്തിരുന്നെന്നും ഗണേഷ് കുമാർ കൂട്ടിച്ചേർത്തു.
അതേസമയം കെഎസ്ആര്ടിസിയില് നാളെ മുതല് ശമ്പളം കൊടുത്തു തുടങ്ങുമെന്ന് ഗാതാഗത മന്ത്രി ആന്റണി രാജു പറഞ്ഞിട്ടുണ്ട്. ഏപ്രില് മാസത്തെ ശമ്പളം നല്കാനായി 30 കോടി രൂപ സര്ക്കാര് നല്കും. ശമ്പളം അനിശ്ചിതമായി വൈകുന്നതില് മുഖ്യമന്ത്രി നടത്തിയ ഇടപെടലാണ് പ്രശ്ന പരിഹാരത്തിലേക്ക് കാര്യങ്ങള് എത്തിച്ചത്.
Read also: ഡീസൽ വില; കേന്ദ്രത്തിനും എണ്ണ കമ്പനികൾക്കും സുപ്രീം കോടതി നോട്ടീസ്