കോട്ടയം: കേരളാ കോണ്‍ഗ്രസിലെ പിസി തോമസ്-പിജെ ജോസഫ് ലയനത്തില്‍ പരിഹാസവുമായി ജോസ് കെ മാണി. ജോസഫിന് ബിജെപിയിലേക്കുള്ള പാലമാണ് തോമസുമായുള്ള ലയനമെന്ന് ജോസ് കെ മാണി പറഞ്ഞു.
ബിജെപി സംസ്‌ഥാന അധ്യക്ഷന്‍ കെ. സുരേന്ദ്രന്റെ യാത്രയില്‍ പിസി തോമസ് പങ്കെടുത്തിരുന്നുവെന്നും ജോസ് ആരോപിച്ചു. ഒരു സ്വകാര്യ ചാനലിന് നല്‍കിയ അഭിമുഖത്തില്‍ ആയിരുന്നു ജോസ് കെ മാണിയുടെ പ്രതികരണം.
അതേസമയം, പിറവത്ത് സീറ്റ് കിട്ടാത്തവരാണ് പെയ്ഡ് സീറ്റെന്ന് മുറവിളി കൂട്ടുന്നത് എന്നും ജോസ് കൂട്ടിച്ചേര്‍ത്തു. സിന്ധുമോള്‍ സിപിഎം സ്‌ഥാനാര്‍ഥിയല്ലെന്നും സിന്ധുമോളുടേത് പഴയ കേരള കോണ്‍ഗ്രസ് കുടുംബമെന്നും ജോസ് പറഞ്ഞു. സിപിഎമ്മിന് കുറ്റ്യാടി സീറ്റ് വിട്ടു നല്‍കിയത് ഗ്രൗണ്ട് റിയാലിറ്റി മനസിലായതിനാല്‍ ആണെന്നും ജോസ് കെ മാണി വ്യക്‌തമാക്കി.
Read Also: കെ സുധാകരന്റെ വിമർശനങ്ങൾക്ക് മറുപടിയില്ല; കെസി വേണുഗോപാൽ
