തിരുവനന്തപുരം: സിപിഐ സംസ്‌ഥാന എക്‌സിക്യൂട്ടീവ് യോഗം ഇന്ന് എംഎൻ സ്‌മാരകത്തിൽ ചേരും. ജോസ് കെ മാണിയുടെ എൽഡിഎഫ് പ്രവേശനവും മുന്നണി വിപുലീകരണവുമാണ് യോഗത്തിലെ പ്രധാന ചർച്ചാ വിഷയം. ജോസിനെ സ്വീകരിക്കാൻ സിപിഐ നേതൃത്വം തയാറായെങ്കിലും പാർട്ടിക്കുള്ളിൽ ഇത് സംബന്ധിച്ച് കൃത്യമായ ധാരണയായിട്ടില്ല.
Also Read: ഹാരിസ് മരണം; പോലീസ് ഇന്ന് കളമശ്ശേരിയില്‍ എത്തി മൊഴിയെടുക്കും
ജോസ് വിഭാഗത്തെ കാനം രാജേന്ദ്രൻ സ്വാഗതം ചെയ്യുമ്പോഴും ജില്ലാ ഘടകങ്ങളുടെയും സംസ്‌ഥാന നേതാക്കളുടെയും എതിർപ്പ് തടസമായി തന്നെ തുടരുകയാണ്. ജോസിന്റെ കാര്യത്തിൽ എത്രയും വേഗം തീരുമാനമെടുക്കുക എന്നതും സിപിഐക്ക് വെല്ലുവിളിയാണ്. കാഞ്ഞിരപ്പള്ളി സീറ്റ് വിട്ടുനൽകുന്നതിനെ കോട്ടയം ജില്ലാ കൗൺസിൽ എതിർക്കുന്നതും സംസ്‌ഥാന നേതൃത്വം ഗൗരത്തോടെയാണ് കാണുന്നത്. തദ്ദേശ തെരഞ്ഞെടുപ്പിൽ ജോസ് വിഭാഗത്തിന്റെ കരുത്ത് ബോധ്യപ്പെട്ടതിന് ശേഷം മാത്രമേ മുന്നണിയിലെടുക്കുന്നത് തീരുമാനിക്കാവൂ എന്നാണ് ഭൂരിപക്ഷ അഭിപ്രായം.
