ബത്തേരി: രാഹുൽ ഗാന്ധിക്കെതിരെ രൂക്ഷ പരിഹാസവുമായി ബിജെപി സംസ്ഥാന അധ്യക്ഷൻ കെ സുരേന്ദ്രൻ. വയനാടിന്റെ പ്രധാനമന്ത്രി വയനാട്ടിൽ വന്ന് ട്രാക്ടര് ഓടിച്ചു നടക്കുകയാണെന്ന് സുരേന്ദ്രൻ പരിഹസിച്ചു.
അങ്കമാലി പ്രധാനമന്ത്രി പോലെയാണ് വയനാട് പ്രധാനമന്ത്രി. ഇതിനേക്കാൾ നല്ലത് വയനാട്ടിലെ പഴയ എംപിയായിരുന്നു. വയനാട്ടിലേക്ക് വരുന്ന വഴിക്കിറങ്ങി പൊറോട്ടയും ചായയും കുടിക്കാൻ എല്ലാവർക്കും കഴിയുമെന്നും സുരേന്ദ്രൻ പറഞ്ഞു.
മുഖ്യമന്ത്രിക്കെതിരെയും സുരേന്ദ്രൻ വിമർശനം ഉന്നയിച്ചു. കുഞ്ഞാലിക്കുട്ടിയും പിണറായിയും സയാമീസ് ഇരട്ടകളെ പോലെയാണ് പെരുമാറുന്നത്. പകൽ മാത്രമേ അവര് തമ്മിൽ വിയോജിപ്പുള്ളൂ, സന്ധ്യയായാൽ യോജിക്കും. മുസ്ലിം ലീഗും സിപിഎമ്മും തമ്മിൽ ധാരണയുണ്ടെന്നും സുരേന്ദ്രൻ ആരോപിച്ചു. ‘കേരളത്തിലെ പിഎസ്സി പെണ്ണുമ്പിള്ള സര്വീസ് കമ്മീഷനായി മാറി’യെന്ന സ്ത്രീ വിരുദ്ധ പരാമർശവും സുരേന്ദ്രൻ നടത്തി.
Read Also: പിഎസ്സി ഉദ്യോഗാർഥികളുടെ സമര പന്തൽ സന്ദർശിച്ച് രാഹുൽഗാന്ധി