മട്ടന്നൂര്‍: കണ്ണൂര്‍ വിമാനത്താവളത്തിലെ ശൈത്യകാല വിമാന സര്‍വീസിന്റെ സമയ പട്ടിക പൂര്‍ത്തിയാക്കി പുറത്തുവിട്ടു. ഒക്‌ടോബർ 25 മുതല്‍ 2021 മാര്‍ച്ച് 27 വരെയുള്ള സര്‍വീസുകളാണ് പട്ടികയില്‍ ഉള്ളത്. പുതിയ പട്ടിക പ്രകാരം ശൈത്യകാലത്ത് ആഴ്‌ചയില്‍ കണ്ണൂരിലേക്ക് 52 വിമാന സര്‍വീസുകള്‍ പുറപ്പെടുകയും എത്തിച്ചേരുകയും ചെയ്യും.
Malabar News: കോവിഡ്; ഏറ്റവും കൂടുതല്‍ കേസുകള്‍ തൃശൂരില്‍
ബെംഗളൂരു, ഹൈദരാബാദ്, തിരുവനന്തപുരം, ഹൂബ്ലി, ഡല്‍ഹി, കൊച്ചി, ഗോവ, ചെന്നൈ തുടങ്ങിയ സ്‌ഥലങ്ങളിലേക്ക് നേരിട്ട് സര്‍വ്വീസുകള്‍ നടത്തുന്നുണ്ട്. ഹൈദരാബാദ്, ബെംഗളൂരു, ചെന്നൈ, ഡല്‍ഹി, തുടങ്ങിയ സ്‌ഥലങ്ങളിലേക്ക് പ്രതി ദിന സര്‍വീസുകളും ഉണ്ടാകും. ആഴ്‌ചയില്‍ ബെംഗളൂരിലേക്ക് പതിനാല് സര്‍വീസുകളാണ് ഉണ്ടാവുക. ഹൈദരാബാദിലേക്ക് 10 സര്‍വീസുകളും, ഡല്‍ഹി, ചെന്നൈ എന്നിവിടങ്ങളിലേക്ക് ഏഴ് വീതവും തിരുവനന്തപുരം, ഗോവ തുടങ്ങിയ സ്‌ഥലങ്ങളിലേക്ക് നാലു വീതവും ഹൂബ്ലി, കൊച്ചി എന്നിവിടങ്ങളിലേക്ക് മൂന്നു വീതവും സര്‍വീസുകളാമാണ് ഇപ്പോള്‍ പ്രഖ്യാപിക്കപ്പെട്ടിട്ടുള്ളത്. ജയ്‌പൂർ,ലഖ്‌നൗ, കൊല്‍ക്കത്ത, അഹമ്മദാബാദ്, ഗുവാഹത്തി, ഭോപാല്‍, വിശാഖപട്ടണം തുടങ്ങിയ സ്‌ഥലങ്ങളിലേക്ക് കണക്ഷന്‍ സര്‍വ്വീസുകളും ഉണ്ടാകും.
