കൊച്ചി: കരിപ്പൂര്‍ സ്വര്‍ണക്കടത്ത് കേസില്‍ ഇന്ന് ചോദ്യം ചെയ്യലിന് ഹാജരാവില്ലെന്ന് ടിപി ചന്ദ്രശേഖരന്‍ വധക്കേസിലെ പ്രതി മുഹമ്മദ് ഷാഫി. ആരോഗ്യപരമായ കാരണങ്ങളാല്‍ ഹാജരാവാന്‍ കഴിയില്ലെന്നാണ് മുഹമ്മദ് ഷാഫി കസ്‌റ്റംസിനെ അറിയിച്ചത്. കേസിലെ മുഖ്യപ്രതി അര്‍ജുന്‍ ആയങ്കിയുടെ മൊഴിയുടെ അടിസ്‌ഥാനത്തിലാണ് ഷാഫിയെ കസ്‌റ്റംസ് ചോദ്യം ചെയ്യാന്‍ തീരുമാനിച്ചത്.
മുഹമ്മദ് ഷാഫിയെയും കൊടി സുനിയേയും ചോദ്യം ചെയ്‌തതിന് ശേഷം അര്‍ജുന്‍ ആയങ്കിയെ വീണ്ടും കസ്‌റ്റഡിയിലെടുക്കാനാണ് കസ്‌റ്റംസ് തീരുമാനം. അര്‍ജുനെ ഒരിക്കല്‍ കൂടി കസ്‌റ്റഡിയില്‍ കിട്ടിയാല്‍ മാത്രമേ അന്വേഷണം മുന്നോട്ടു കൊണ്ടുപോകാന്‍ കഴിയൂ എന്നാണ് വിലയിരുത്തല്‍.
Read also: സിബി മാത്യൂസിന്റെ മുൻ‌കൂർ ജാമ്യാപേക്ഷ 12ന് പരിഗണിക്കും; കക്ഷി ചേരാൻ മറിയവും ഫൗസിയയും
