കാസര്‍ഗോഡ്: മത്സര പരീക്ഷകള്‍ക്കായി ഉദ്യോഗാര്‍ത്ഥികളെ സജ്ജരാക്കുന്ന സൗജന്യ പരിശീലന പരിപാടി ഉന്നതി ഇനി മുതല്‍ ഓണ്‍ലൈനായി ലഭിക്കും. കോവിഡ് 19 പശ്ചാത്തലത്തിലാണ് ജില്ലാ ഭരണകൂടത്തിന്റെ നേതൃത്വത്തിലുള്ള പരിപാടി ഓണ്‍ലൈന്‍ ആക്കുന്നത്. നിലവില്‍ ഉന്നതി പരിപാടിയില്‍ പരിശീലനം നേടി വരുന്ന ഉദ്യോഗാര്‍ത്ഥികള്‍ക്കാണ് ഓണ്‍ലൈന്‍ പരിശീലനം ലഭിക്കുക. ഓണ്‍ലൈന്‍ പരിശീലനത്തിന്റെ ഉദ്ഘാടനം അടുത്ത മാസം 2ന് നടക്കും.
പരിശീലനം പൂര്‍ണമായും ഓണ്‍ലൈന്‍ വഴിയാണ് നടക്കുക. എല്ലാ അവധി ദിവസങ്ങളിലും രാവിലെ 10 മുതല്‍ 12 വരെയാണ് പരിശീലനം. ടെലിഗ്രാം മെസ്സേജിങ് ആപ്പ് ഉപയോഗിച്ചാണ് പരിശീലനം നടത്തുക. പരിശീലനത്തില്‍ താത്പര്യമുള്ള എല്ലാവരും ടെലിഗ്രാം ആപ്പ് ഡൗണ്‍ലോഡ് ചെയ്യണം. വീഡിയോ, ഓഡിയോ, പിഡിഎഫ്, പ്രസന്റേഷന്‍ രീതികള്‍ ഉപയോഗിച്ചാണ് പരിശീലനം. മാതൃക പരീക്ഷകള്‍ ഫോമുകള്‍ വഴി നടത്തും.
Read also: സേവനങ്ങള്‍ ഇനി ഓണ്‍ലൈനില്‍; അടിമുടി മാറാന്‍ പഞ്ചായത്തുകള്‍
