തിരുവനന്തപുരം : സംസ്‌ഥാനത്ത് മെയ് 2ആം തീയതി നടക്കുന്ന വോട്ടെണ്ണലുമായി ബന്ധപ്പെട്ട് മെയ് 1 മുതൽ 4 വരെ യാതൊരു വിധത്തിലുള്ള കൂടിച്ചേരലുകളും പാടില്ലെന്ന് വ്യക്‌തമാക്കി ഹൈക്കോടതി. നിലവിൽ കോവിഡ് വ്യാപനം അതിരൂക്ഷമായി ഉയരുന്ന സാഹചര്യത്തിലാണ് ഹൈക്കോടതി നിർദേശം നൽകിയിരിക്കുന്നത്. കൂടാതെ കോവിഡ് മാർഗനിർദേശങ്ങൾ ലംഘിച്ച് ഒത്തുകൂടുന്നവർക്കെതിരെ കർശന നടപടി സ്വീകരിക്കണമെന്നും ഹൈക്കോടതി വ്യക്‌തമാക്കിയിട്ടുണ്ട്‌.
മെയ് 2ആം തീയതി തിരഞ്ഞെടുപ്പ് വിധി പുറത്തുവരുന്നതിന് പിന്നാലെ രാഷ്‌ട്രീയ പാർട്ടികൾ നടത്തുന്ന വിജയാഘോഷങ്ങൾ ഇത്തവണ അനുവദിക്കരുതെന്ന് ഹൈക്കോടതി കർശന നിർദേശം നൽകിയിട്ടുണ്ട്. ഇക്കാര്യം പോലീസും ജില്ലാ ഭരണകൂടങ്ങളും കൃത്യമായി വിലയിരുത്തി ഉറപ്പ് വരുത്തണമെന്നും ഹൈക്കോടതി കൂട്ടിച്ചേർത്തു. ഒപ്പം തന്നെ ഏതെങ്കിലും വിധത്തിൽ കോവിഡ് മാനദണ്ഡങ്ങൾ ലംഘിക്കുന്നത് ശ്രദ്ധയിൽ പെട്ടാൽ അവർക്കെതിരെ പകർച്ചവ്യാധി പ്രതിരോധ നിയമം അനുസരിച്ച് കേസെടുക്കണമെന്നും കോടതി നിർദേശം നൽകി.
Read also : എന്തുകൊണ്ട് മുഴുവൻ വാക്‌സിനും വാങ്ങി വിതരണം ചെയ്യുന്നില്ല; കേന്ദ്രത്തിനെതിരെ വീണ്ടും കോടതി
