തിരുവനന്തപുരം : സംസ്‌ഥാനത്ത് വോട്ടെണ്ണൽ ദിനത്തിൽ ലോക്ക്ഡൗൺ ഏർപ്പെടുത്തണമെന്ന് ആവശ്യപ്പെട്ട് സമർപ്പിച്ച ഹരജികൾ ഇന്ന് ഹൈക്കോടതി പരിഗണിക്കും. ഈ ആവശ്യം ഉന്നയിച്ചുകൊണ്ട് 3 ഹരജികളാണ് നിലവിൽ ഹൈക്കോടതിയുടെ പരിഗണനയിൽ ഉള്ളത്.
വോട്ടെണ്ണൽ പ്രമാണിച്ച് മെയ് 1ആം തീയതി അർധരാത്രി മുതൽ മെയ് 2ആം തീയതി അർധരാത്രി വരെ ലോക്ക്ഡൗൺ ഏർപ്പെടുത്തണമെന്നാണ് ഒരു ഹരജിയിൽ ആവശ്യപ്പെടുന്നത്. അഭിഭാഷകനായ അഡ്വക്കേറ്റ് വിനോദ് മാത്യു വിൽസൺ ആണ് ഹൈക്കോടതിയിൽ ഈ ആവശ്യം ഉന്നയിച്ചുകൊണ്ട് ഹരജി സമർപ്പിച്ചത്.
കൂടാതെ വോട്ടെണ്ണൽ ദിനത്തോട് അനുബന്ധിച്ച് സംസ്‌ഥാനത്ത് 48 മണിക്കൂർ നിരോധനാജ്‌ഞ ഏർപ്പെടുത്തണമെന്നും, വിജയാഹ്‌ളാദ പ്രകടനങ്ങളും റാലികളും തടയണമെന്നും ആവശ്യപ്പെട്ട് കൊല്ലം സ്വദേശിയായ ഡോക്‌ടർ എസ് ഗണപതിയും ഹൈക്കോടതിയിൽ ഹരജി സമർപ്പിച്ചിരുന്നു. ഹൈക്കോടതിയിൽ സമർപ്പിച്ച ഹരജികളിൽ വിശദീകരണം സമർപ്പിക്കണമെന്ന് കോടതി സർക്കാരിനോടും ആവശ്യപ്പെട്ടിരുന്നു.
Read also : ഫേസ്ബുക്കിലൂടെ വ്യാജ പ്രചാരണം; പിടി മാത്യുവിനെതിരെ കേസ്
