തൃശൂര്: 2021ലെ കേരള സംഗീത നാടക അക്കാദമി ഫെലോഷിപ്പ് പ്രഖ്യാപിച്ചു. അക്കാദമിയുടെ പരിധിയില് വരുന്ന വിവിധ കലാരംഗങ്ങളില് അതുല്യ സംഭാവനകള് നല്കിയ കരിവെള്ളൂര് മുരളിക്കും (നാടകം) വി ഹര്ഷകുമാറിനും (കഥാപ്രസംഗം) മാവേലിക്കര പി സുബ്രഹ്മണ്യത്തിനും (സംഗീതം) ആണ് ഫെലോഷിപ്പുകള് ലഭിച്ചിരിക്കുന്നത്.
കേരള സംഗീത നാടക അക്കാദമി വൈസ് ചെയര്മാന് സേവ്യര് പുല്പ്പാട്ട്, അക്കാദമി നിര്വാഹകസമിതി അംഗങ്ങളായ വിടി മുരളി, വിദ്യാധരന് മാസ്റ്റര്, വികെ അനില്കുമാര് എന്നിവര് ചേര്ന്ന പത്രസമ്മേളനത്തിലാണ് ഫെലോഷിപ്പുകള് പ്രഖ്യാപിച്ചത്. സംഗീത നാടക അക്കാദമി പുരസ്കാരങ്ങളും ഗുരുപൂജ നല്കി ആദരിക്കുന്നവരുടെ പേരുകളും പ്രഖ്യാപിച്ചിട്ടുണ്ട്.
Most Read: യുക്രൈനിൽ നിന്നെത്തിയ വിദ്യാർഥികളുടെ തുടർപഠനത്തിനായി പത്ത് കോടി