കേരള സംസ്ഥാന യുവജന കമ്മീഷന്റെ ആഭിമുഖ്യത്തില് യുവ കര്ഷകര്ക്കായി സംഗമം സംഘടിപ്പിക്കുന്നു. രണ്ട് ദിവസങ്ങളിലായി ഈ മാസം അവസാന വാരം പാലക്കാടാണ് സംഗമം നടക്കുക. ചെറുപ്പക്കാരിലൂടെ ജൈവകര്ഷക മുന്നേറ്റം എന്ന സര്ക്കാരിന്റെ ആശയത്തെ പിന്തുണക്കുന്നതിനായാണ് സംഗമം ഒരുക്കുന്നത്.
യുവ കര്ഷകര്ക്ക് ഒത്തുകൂടാനും പുത്തന് കൃഷി രീതികളെയും കൃഷിയിലെ നവീനമായ സാങ്കേതിക വിദ്യകളെ സംബന്ധിച്ച് പഠിക്കാനും സംഗമം ഉപകാരപ്പെടും. യുവ കര്ഷകര്ക്കുള്ള സംശയങ്ങള് ദൂരീകരിച്ചും കൃഷിയില് താല്പര്യമുള്ള യുവതക്ക് ഊര്ജ്ജം നല്കുകയുമാണ് സംഗമത്തിന്റെ ഉദ്ദേശം.
ചെറുപ്പക്കാര്ക്കിടയില് ജൈവ കൃഷിരീതിയും അതിനോട് അനുബന്ധമായ സംരംഭകത്വവും പ്രോല്സാഹിപ്പിക്കുകയാണ് യുവ കര്ഷക സംഗമത്തിലൂടെ ലക്ഷ്യമിടുന്നതെന്ന് യുവജന കമ്മീഷന് അധ്യക്ഷ ചിന്താ ജെറോം പറഞ്ഞു. 18 വയസിനും 40 വയസിനും ഇടയില് പ്രായമുള്ള യുവ കര്ഷകര്ക്കും കൃഷിയില് താല്പര്യം ഉള്ളവര്ക്കും സംഗമത്തില് പങ്കെടുക്കാം.
Malabar News: ദത്തെടുത്ത കുട്ടിയെ പീഡിപ്പിച്ചു; പ്രതിയെ കോടതി പോലീസ് കസ്റ്റഡിയിൽ വിട്ടു