തിരുവനന്തപുരം: കോവിഡ് കാലത്ത് മരുന്നുകൾ വീട്ടിലെത്തിക്കാൻ കോൾ സെന്ററുകൾ സജ്ജമാക്കി യുവജനക്ഷേമ ബോർഡ്. എല്ലാ ജില്ലാ കേന്ദ്രങ്ങളിലും കോൾ സെന്ററുകളും ജില്ലയുടെ വിവിധ ഭാഗങ്ങളിൽ വളണ്ടിയർമാരെയും ഇതിനായി തയാറാക്കും. ഇവരുമായി ബന്ധപ്പെട്ടാൽ മരുന്നുകൾ വാങ്ങി ആവശ്യക്കാരുടെ വീടുകളിൽ എത്തിച്ചുനൽകും.
ഇവരുമായി ബന്ധപ്പെടാനുള്ള ഫോൺ നമ്പറുകൾ സമൂഹ മാദ്ധ്യമങ്ങളിൽ ലഭ്യമാണ്. അവശ്യ സേവനങ്ങൾക്ക് ഇത്തരം ക്രമീകരണങ്ങൾ ഒരുക്കുന്നത് വഴി പൊതുജനം വീടിന് പുറത്തിറങ്ങുന്നത് ഒരു പരിധി വരെ കുറക്കാൻ സാധിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. യുവജനക്ഷേമ ജില്ലാ ഓഫീസർ, ജില്ലാ കോർഡിനേറ്റർ എന്നിവർക്കാകും കോൾ സെന്ററുകളുടെ ചുമതല.
Read also: പോലീസ് ഉദ്യോഗസ്ഥരിലും കോവിഡ് വ്യാപനം; നിലവിൽ 1,259 പേർക്ക് രോഗബാധ