തിരുവനന്തപുരം : സംസ്‌ഥാനത്ത് ലോക്ക്ഡൗൺ നിയന്ത്രണങ്ങൾ കർശനമായി നടപ്പാക്കുന്ന സാഹചര്യത്തിൽ പോലീസ് ഉദ്യോഗസ്‌ഥർക്കിടയിൽ കോവിഡ് വ്യാപനം രൂക്ഷമാകുന്നു. നിലവിൽ 1,259 പോലീസുകാരാണ് സംസ്‌ഥാനത്ത് കോവിഡ് ബാധിതരായത്. ഇവരിൽ പരമാവധി പേരും വീടുകളിൽ തന്നെയാണ് ഇപ്പോൾ കഴിയുന്നതെന്ന് മുഖ്യമന്ത്രി വ്യക്‌തമാക്കി.
ലോക്ക്ഡൗൺ നിയന്ത്രണങ്ങൾ കർശനമായി നടപ്പാക്കുന്നതിന് നിലവിൽ കൂടുതൽ പോലീസ് ഉദ്യോഗസ്‌ഥരെ നിരത്തുകളിൽ നിയോഗിച്ചിട്ടുണ്ട്. ഈ സാഹചര്യത്തിലാണ് ഇവർക്കിടയിൽ രോഗവ്യാപനം രൂക്ഷമാകുന്നത്. ഞായറാഴ്‌ച അവധി ദിനത്തില്‍ 16,878 പോലീസുകാരെയാണ് നിരത്തില്‍ പരിശോധനകൾക്കായി നിയോഗിച്ചത്. പോലീസ് ഉദ്യോഗസ്‌ഥർക്കിടയിൽ രോഗവ്യാപനം വർധിച്ചതോടെ ഇവർക്ക് മികച്ച വൈദ്യസഹായം ലഭ്യമാക്കണമെന്ന് ആരോഗ്യവകുപ്പിന് നിർദ്ദേശം നൽകിയിട്ടുണ്ട്.
Read also : തിരക്കഥാകൃത്ത് ഡെന്നീസ് ജോസഫ് അന്തരിച്ചു; വിട വാങ്ങിയത് ഹിറ്റുകളുടെ ‘രാജാവ്’
