തൃശൂർ : സംസ്ഥാനത്ത് നിയമസഭാ തിരഞ്ഞെടുപ്പിൽ ഇടത് തരംഗം അലയടിക്കുമ്പോൾ പുതുക്കാട് മണ്ഡലത്തിലും എൽഡിഎഫിന് വിജയം. മണ്ഡലത്തിൽ കെകെ രാമചന്ദ്രൻ വിജയിച്ചു. 14,711 വോട്ടുകളുടെ ഭൂരിപക്ഷത്തിലാണ് കെകെ രാമചന്ദ്രൻ വിജയം സ്വന്തമാക്കിയത്.
യുഡിഎഫിന്റെ അനിൽ അന്തിക്കാട്, എൻഡിഎ സ്ഥാനാർഥി എ നാഗേഷ് എന്നിവരെ പിന്തള്ളിയാണ് കെകെ രാമചന്ദ്രൻ വിജയലക്ഷ്യത്തിൽ എത്തിയത്. വിദ്യാഭ്യാസ മന്ത്രിയായ സി രവീന്ദ്രനാഥിന്റെ സിറ്റിംഗ് സീറ്റാണ് പുതുക്കാട്. 2016ൽ 38,478 വോട്ടുകൾക്കാണ് അദ്ദേഹം വിജയിച്ചത്.
നിലവിൽ 99 മണ്ഡലങ്ങളിലാണ് ഇടത് മുന്നണി മുന്നേറുന്നത്. ചരിത്ര വിജയമെന്ന് തന്നെ പറയാവുന്ന നേട്ടമാണ് ഇത്തവണത്തെ തിരഞ്ഞെടുപ്പിൽ ഇടത് മുന്നണി നേടിയിരിക്കുന്നത്.
Read also : ഹരിയാനയിൽ നാളെ മുതൽ ലോക്ക്ഡൗൺ; ഒരാഴ്ച തുടരും