തിരുവനന്തപുരം: കേരളത്തിൽ സ്‌കൂളുകൾ തുറക്കാനുള്ള സാഹചര്യമായിട്ടില്ലെന്ന് ബിജെപി സംസ്‌ഥാന പ്രസിഡണ്ട് കെ സുരേന്ദ്രൻ. സംസ്‌ഥാനത്തെ സ്‌കൂളുകൾ തുറക്കുന്നതിൽ രക്ഷിതാക്കൾക്കും വിദ്യാർഥികൾക്കും ആശങ്കയുണ്ടെന്ന് കെ സുരേന്ദ്രൻ പറഞ്ഞു.
കൂടാതെ തിങ്കളാഴ്‌ചത്തെ ഹർത്താൽ അനാവശ്യമെന്നും അത് ജനങ്ങളെ വളരെയധികം ബാധിക്കുമെന്നും കെ സുരേന്ദ്രൻ ചൂണ്ടിക്കാട്ടി. കേരളത്തിലെ ജനത്തെ ബാധിക്കുന്ന വിഷയത്തിനല്ല ഹർത്താൽ. കേരളത്തിലെ കർഷകരുടെ താൽപര്യം സംരക്ഷിക്കാൻ ഇതുവരെ യാതൊരു നടപടിയും സംസ്‌ഥാന സർക്കാരിന്റെ ഭാഗത്ത് നിന്നും ഉണ്ടായില്ല.
ഒരു ദിവസത്തെ ഹർത്താൽ കൊണ്ട് ആയിരത്തിലധികം കോടി രൂപയുടെ നഷ്‌ടം സംഭവിക്കുമെന്നും കെ സുരേന്ദ്രൻ. സർക്കാർ ഹർത്താലിൽ നിന്ന് പിൻമാറണമെന്നും കെ സുരേന്ദ്രൻ പറഞ്ഞു.
Read Also: ഏറ്റുമാനൂർ ക്ഷേത്രത്തിലെ തിരുവാഭരണ കേസ്; മാല മാറ്റിവച്ചതെന്ന് പോലീസ്
