തൃശൂർ: കൊടകര കവർച്ചാ കേസിൽ രണ്ട് പ്രതികളുടെ ജാമ്യാപേക്ഷ തൃശൂർ ജില്ലാ സെഷൻസ് കോടതി തള്ളി. ജയിലില് കഴിയുന്ന 12ആം പ്രതിയായ അബ്ദുള് ബഷീർ, 16ആം പ്രതിയായ അബ്ദുള് റഷീദ് എന്നിവരുടെ ജാമ്യാപേക്ഷകളാണ് തള്ളിയത്.
കവർച്ചയിൽ നേരിട്ട് പങ്കെടുത്തവരാണ് ഇവർ. കേസന്വേഷണത്തില് പ്രതികള് സഹകരിക്കുന്നില്ലെന്നും രാഷ്ട്രീയ ബന്ധമുള്ള കേസായതിനാല് ജാമ്യം ലഭിച്ച് പുറത്തിറങ്ങിയാല് പ്രതികള് കൊല്ലപ്പെടാൻ ഇടയുണ്ടെന്നുള്ള പ്രോസിക്യൂഷന്റെ വാദം കോടതി അംഗീകരിച്ചു.
കുഴല്പ്പണം കടത്തുന്നവരെ കൊള്ളയടിക്കുന്ന വിവിധ കേസുകളിലെ പ്രതികളാണ് ഹരജിക്കാരെന്നും, അന്വേഷണം പൂര്ത്തിയാകാത്തതിനാല് ജാമ്യം നല്കരുതെന്നുമായിരുന്നു പ്രോസിക്യൂഷന്റെ നിലപാട്.
Malabar News: മലപ്പുറത്ത് ഇന്ന് വാക്സിൻ സ്വീകരിച്ചത് 17,095 പേർ