തൃശൂർ: കൊടകര കുഴല്പ്പണക്കേസില് കൂടുതല് പേരെ ഇന്ന് ചോദ്യം ചെയ്യും. ബിജെപി മധ്യമേഖലാ സംഘടനാ സെക്രട്ടറി എല് പത്മകുമാറിനെ ഉള്പ്പടെയാണ് ഇന്ന് ചോദ്യം ചെയ്യുക. കൂടാതെ കുഴല്പ്പണക്കേസ് പ്രതികളുമായി ബന്ധമുള്ളവരേയും ഇന്ന് ചോദ്യം ചെയ്യും.
പത്മകുമാറിന് പോലീസ് ക്ളബ്ബില് എത്തണമെന്ന് ചൂണ്ടിക്കാട്ടി നേരത്തെ പോലീസ് നോട്ടിസ് നല്കിയിരുന്നു. ബിജെപിയുടെ എറണാകുളം, ഇടുക്കി, കോട്ടയം, ആലപ്പുഴ ജില്ലകളുടെ ചുമതലയുള്ള നേതാവാണ് എല് പത്മകുമാര്. കുഴല്പ്പണക്കേസ് പ്രതികളുമായി ബന്ധമുണ്ടെന്ന സൂചനയുടെ അടിസ്ഥാനത്തിലാണ് പത്മകുമാറിനെ ചോദ്യം ചെയ്യാന് പോലീസ് തീരുമാനിച്ചത്.
പ്രതികളുമായി ബന്ധമുണ്ടെന്ന് കണ്ടെത്തിയ മറ്റുള്ളവരുടെ ചോദ്യം ചെയ്യലും ഇന്ന് നടക്കും. അതേസമയം കുഴല്പ്പണക്കേസ് പ്രതികളായ രഞ്ജിത്ത്, മാര്ട്ടിന് എന്നിവര്ക്കെതിരെ വഞ്ചനാക്കുറ്റത്തിനും കേസെടുത്തിട്ടുണ്ട്.
Read Also: ഗുസ്തി താരത്തിന്റെ കൊലപാതകം; സുശീൽ കുമാറിനെ ജുഡീഷ്യൽ കസ്റ്റഡിയിൽ വിട്ടു