തിരുവനന്തപുരം: മാദ്ധ്യമങ്ങൾക്ക് എതിരെ രൂക്ഷ വിമർശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. മാദ്ധ്യമങ്ങൾ സത്യം മറയ്ക്കുന്നുവെന്ന് കോടിയേരി ആരോപിച്ചു. സത്യം പുറത്തുകൊണ്ട് വരാനല്ല മാദ്ധ്യമങ്ങൾ ശ്രമിക്കുന്നത്. തങ്ങൾക്ക് താൽപര്യമുള്ളത് മാത്രമാണ് മാദ്ധ്യമങ്ങൾ വാർത്തയാക്കുന്നത്. കോൺഗ്രസ്, ലീഗ് നേതാക്കളെ എന്ഫോഴ്സ്മെന്റ് ചോദ്യം ചെയ്യുമ്പോൾ അത് വാർത്തയാക്കുന്നില്ലെന്നും അദ്ദേഹം പറഞ്ഞു.
കേന്ദ്ര അന്വേഷണ ഏജൻസികളോടുള്ള കേരളത്തിലെ കോൺഗ്രസിന്റെ നിലപാടിനേയും കോടിയേരി വിമർശിച്ചു. എന്ഫോഴ്സ്മെന്റിനെ ഉപയോഗിച്ച് ദേശീയ തലത്തിൽ രാഷ്ട്രീയം കളിക്കുന്നുവെന്ന് പറഞ്ഞത് കോൺഗ്രസ് അധ്യക്ഷ സോണിയാ ഗാന്ധിയാണ്. എന്നാൽ കേരളത്തിൽ അത് നടക്കുമ്പോൾ കോൺഗ്രസ് മൗനം പാലിക്കുക ആണെന്നും കോടിയേരി കുറ്റപ്പെടുത്തി.
Also Read: സ്ത്രീ വിരുദ്ധ പരാമർശം; മുല്ലപ്പള്ളി രാമചന്ദ്രന് എതിരെ കേസെടുത്തു