തിരുവനന്തപുരം: മാദ്ധ്യമങ്ങൾക്കെതിരെ രൂക്ഷ വിമർശനവുമായി സിപിഎം സംസ്‌ഥാന സെക്രട്ടറി കോടിയേരി ബാലകൃഷ്‌ണൻ. വാർത്തകളെന്ന പേരിൽ മാദ്ധ്യമങ്ങൾ പച്ചനുണകൾ പ്രചരിപ്പിക്കുകയാണെന്നും സംസ്‌ഥാനത്തിന്റെ ഭാവിയോട് നീതി പുലർത്തുന്നില്ലെന്നും കോടിയേരി ആരോപിച്ചു. മാദ്ധ്യമങ്ങൾക്കെതിരെ സംഘടിപ്പിച്ച ജനകീയ കൂട്ടായ്‌മക്ക് മുന്നോടിയായി ഫേസ്‌ബുക്കിൽ പോസ്‌റ്റ് ചെയ്‌ത കുറിപ്പിലാണ് കോടിയേരി വിമർശനം ഉന്നയിച്ചത്.
മാദ്ധ്യമങ്ങൾ നിക്ഷിപ്‌ത രാഷ്‌ട്രീയ താൽപര്യങ്ങൾക്ക് വേണ്ടി സ്വയം വിട്ടു കൊടുത്തിരിക്കുകയാണ്, പച്ചനുണകൾ വാർത്തകൾ എന്ന പേരിൽ പ്രചരിപ്പിച്ച് കേരള ജനതയോട് എന്ത് ഉത്തരവാദിത്തമാണ് മാദ്ധ്യമങ്ങൾ നിറവേറ്റുന്നതെന്ന് കോടിയേരി ചോദിച്ചു.
അതേസമയം, തിരുവനന്തപുരം വഞ്ചിയൂരിൽ നടന്ന ജനകീയ കൂട്ടായ്‌മയിൽ ഇഡിക്കെതിരെ എം.വി ഗോവിന്ദൻ തുറന്നടിച്ചു. ഇഡി ഒരു ബദൽസർക്കാരല്ല, രാഷ്‌ട്രീയ ഉന്നം വെച്ച് സർക്കാരിനെ ദുർബലപ്പെടുത്താൻ നോക്കേണ്ടെന്നും അദ്ദേഹം പറഞ്ഞു. മാദ്ധ്യമവാർത്തകളെ ചോദ്യം ചെയ്‌ത്‌ കൊണ്ടുള്ള വീഡിയോകളും ഓരോ സമര കേന്ദ്രങ്ങളിലും പ്രദർശിപ്പിച്ചിരുന്നു.
Also Read: വിഴിഞ്ഞം പദ്ധതി; 32 ദിവസത്തെ സമരം അവസാനിപ്പിച്ച് പ്രദേശവാസികള്‍
