തിരുവനന്തപുരം: എസ്ഡിപിഐയും ആർഎസ്എസും കേരളത്തിൽ അക്രമം ഉണ്ടാക്കാൻ മൽസരിക്കുന്നുവെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ആലപ്പുഴയിലെ ഇരട്ട കൊലപാതകം ഒരിക്കലും ഒരു ഒറ്റപ്പെട്ട സംഭവമല്ലെന്നും മറിച്ച് ഇരു പാർട്ടികളും ചേർന്ന് കേരളത്തിൽ ഉടനീളം സമാന രീതിയൽ സംഘർഷം സൃഷ്ടിക്കുന്നു എന്നും കോടിയേരി പറഞ്ഞു.
സമീപ കാലത്തായി കേരളത്തിൽ അഴിച്ചു വിടുന്ന വർഗീയ പ്രചരണത്തിനു പിന്നിൽ ആർഎസ്എസാണ്. സംസ്ഥാനത്തെ കലാപ ഭൂമി ആക്കരുത് എന്ന് ആവശ്യപ്പെട്ട് ജനുവരി നാലിന് ബഹുജന കൂട്ടായ്മ സംഘടിപ്പിക്കുമെന്നും കോടിയേരി പറഞ്ഞു.
ആലപ്പുഴ കൊലപാതക കേസിൽ അന്വേഷണത്തിന് എതിരെയുള്ള ആരോപണങ്ങൾ കോടിയേരി നിഷേധിച്ചു. അന്വേഷണം ഫലപ്രദമായി നടക്കുന്നുണ്ടെന്നും പ്രതികളെ ഉടൻ പിടികൂടുമെന്നും അദ്ദേഹം പറഞ്ഞു. കൊലപാതകത്തിന് പിന്നിലുള്ളവർ തന്നെയാണ് പോലീസിനെ കുറ്റം പറയുന്നത്. ഇന്റലിജൻസ് സംവിധാനത്തിൽ വീഴ്ച ഉണ്ടായിട്ടില്ലെന്നും കോടിയേരി കൂട്ടിച്ചേർത്തു.
Read also: പഞ്ചാബിലെ സമാധാനം തകര്ക്കാന് ശ്രമം; അരവിന്ദ് കെജ്രിവാള്