ന്യൂഡെൽഹി: സിപിഎം സംസ്‌ഥാന സെക്രട്ടറി സ്ഥാനത്ത് നിന്ന് കോടിയേരി ബാലകൃഷ്‌ണൻ ഒഴിഞ്ഞേക്കും. ആരോഗ്യപ്രശ്‌നങ്ങൾ ഉള്ളതിനാൽ സ്ഥാനത്ത് തുടരാൻ കഴിയില്ലെന്ന് കോടിയേരി അറിയിച്ചതായി സിപിഎം കേന്ദ്രനേതാക്കൾ വ്യക്‌തമാക്കി.
നാളെ തിരുവനന്തപുരത്ത് ചേരുന്ന അവൈലബിൾ പിബി യോഗം വിഷയം ചർച്ച ചെയ്യും. സീതാറാം യെച്ചൂരിയും പ്രകാശ് കാരാട്ടും ഉൾപ്പടെ തിരുവനന്തപുരത്തുള്ള പിബി അംഗങ്ങൾ യോഗത്തിൽ പങ്കെടുക്കും. കോടിയേരി ബാലകൃഷ്‌ണന് അവധി നൽകി താൽക്കാലിക സെക്രട്ടറി വേണമോ അതോ സ്‌ഥിരം സംവിധാനം വേണമോ എന്ന കാര്യത്തിൽ ഞായറാഴ്‌ച ചേരുന്ന യോഗത്തിൽ തീരുമാനമുണ്ടാകും.
Most Read: പേവിഷബാധ; വാക്‌സിനെടുക്കാൻ മടി വേണ്ട, മരണം ഒഴിവാക്കാൻ ഒരുമിച്ച് പ്രവർത്തിക്കണം
