മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ കോവിഡ് പരിശോധന നിർത്തി. നിലവിലെ സാഹചര്യത്തിൽ വിദേശത്ത് നിന്ന് എത്തുന്നവർക്ക് പരിശോധന ആവശ്യമില്ലെന്ന നിർദ്ദേശം ലഭിച്ചതായാണ് വിവരം. ഈ മാസം 26 മുതൽ കോവിഡ് പരിശോധന നിർത്തിയതായാണ് വിവരം.
ഇത് സംബന്ധിച്ച് ഔദ്യോഗിക സ്‌ഥിരീകരണം വന്നിട്ടില്ല. എന്നാൽ, വിദേശത്തേക്ക് പോകുന്നവർക്ക് നിലവിൽ കോവിഡ് പരിശോധന തുടരുന്നുണ്ട്. ഇടക്കാലത്ത് നിർത്തിവെച്ച പരിശോധന രണ്ടാംതരംഗം പകുതിയായപ്പോഴാണ് കണ്ണൂർ വിമാനത്താവളത്തിൽ നിന്ന് പോകുന്നവർക്കും വിമാനം ഇറങ്ങുന്നവർക്കും വീണ്ടും നിർബന്ധമാക്കിയത്.
Most Read: ജലനിരപ്പ് താഴ്‌ത്താൻ ശ്രമം; മുല്ലപ്പെരിയാറിൽ മൂന്ന് ഷട്ടറുകൾ കൂടി ഉയർത്തി
