കോഴിക്കോട്: നഗരത്തിലെ ഇലക്ട്രോണിക് കമ്പനിയുടെ ഗോഡൗണില് തീപിടിത്തം. ഇംഗ്ളീഷ് പള്ളിക്ക് സമീപമുള്ള കെട്ടിടത്തില് ഉച്ചയോടെയാണ് തീപിടിത്തമുണ്ടായത്. ആറ് യൂണിറ്റ് ഫയർഫോഴ്സ് സ്ഥലത്തെത്തിയാണ് തീയണച്ചത്. ഇലക്ട്രോണിക്സ് സാധനങ്ങള് വില്ക്കുന്ന കമ്പനിയുടെ ഗോഡൗണിത്. കെട്ടിടത്തില് വൈദ്യുതിയുമില്ല.
പിന്നെയെങ്ങനെ ഇവിടെ തീ പടര്ന്നുവെന്നതിനെ കുറിച്ച് അന്വേഷണം നടക്കുന്നുണ്ട്. ഇലക്ട്രോണിക് സാധനങ്ങള് കൊണ്ടുവരുന്ന കാര്ഡ് ബോര്ഡ് പെട്ടികളും മറ്റുമാണ് തീപിടിച്ച കെട്ടിടത്തില് ഉണ്ടായിരുന്നതെന്നാണ് വിവരം. ജോലിക്കാരും മറ്റും ഇല്ലാത്തതിനാൽ ആർക്കും പരിക്കില്ലെന്നും കാര്യമായ നാശനഷ്ടങ്ങൾ ഇല്ലെന്നുമാണ് സൂചന.
Read Also: ബിജെപിയും മോദിയും രണ്ട് ഹിന്ദുസ്ഥാൻ ഉണ്ടാക്കാൻ ശ്രമിക്കുന്നു; രാഹുൽ ഗാന്ധി