തിരുവനന്തപുരം: കെഎസ്ആർടിസി ഡ്രൈവർമാരുടെയും കണ്ടക്‌ടർമാരുടെയും സ്‌ഥലം മാറ്റ ഉത്തരവുകൾ മരവിപ്പിച്ചതായി ഗതാഗതമന്ത്രി ആന്റണി രാജു. ജൂലൈ 15ന് പുറപ്പെടുവിച്ച ഉത്തരവാണ് മരവിപ്പിച്ചത്. ഉത്തരവുകൾ നടപ്പിലാക്കുന്നത് താൽക്കാലികമായി നിർത്തിവെക്കാനും തൽസ്‌ഥിതി തുടരാനും മന്ത്രി ഉത്തരവിട്ടു.
3286 ഡ്രൈവർമാരുടെയും 2803 കണ്ടക്‌ടർമാരുടെയും സ്‌ഥലം മാറ്റികൊണ്ടുള്ള ഉത്തരവാണ് മന്ത്രിയുടെ നിർദ്ദേശപ്രകാരം മരവിപ്പിച്ചത്. ഉത്തരവിനെതിരെ യൂണിയനുകൾ ഉയർത്തിയ ആക്ഷേപങ്ങൾ പരിശോധിക്കാൻ മന്ത്രി നിർദ്ദേശം നൽകി. ഉത്തരവ് ഇറങ്ങിയശേഷം സ്‌ഥലം മാറ്റം അംഗീകരിച്ചു പുതിയ സ്‌ഥലങ്ങളിൽ ജോലിക്ക് പ്രവേശിപ്പിച്ചവരുടെ കാര്യത്തിൽ തൽസ്‌ഥിതി തുടരും.
Most Read| ഷംസീർ മാപ്പ് പറയില്ല; പ്രസ്‌താവന തിരുത്താനും ഉദ്ദേശിക്കുന്നില്ല- എംവി ഗോവിന്ദൻ
