തിരുവനന്തപുരം: മെയ് മാസത്തെ ശമ്പളം നൽകാൻ അധിക സഹായം തേടി കെഎസ്ആർടിസി മാനേജ്‌മെന്റ്. 65 കോടി ധനസഹായം നൽകണമെന്ന് ആവശ്യപ്പെട്ട് കെഎസ്ആർടിസി മാനേജ്‌മെന്റ് സർക്കാരിന് കത്ത് നൽകി. അതിനിടെ, ഏപ്രിൽ മാസത്തെ ശമ്പള വിതരണം ഇന്നലെയോടെ പൂർത്തിയായിരുന്നു.
രണ്ട് തവണ സർക്കാർ സഹായം നൽകിയാണ് കഴിഞ്ഞ മാസത്തെ ശമ്പളം നൽകിയത്. ആദ്യ തവണ 30 കോടിയും രണ്ടാം തവണ 20 കോടി രൂപയുമാണ് സർക്കാർ ധനസഹായം നൽകിയത്. ഈ മാസത്തെ ശമ്പളം നൽകാനാണ് കെഎസ്ആർടിസി വീണ്ടും സർക്കാരിനെ സമീപിച്ചിരിക്കുന്നത്.
എന്നാൽ ആദ്യഘട്ടത്തിൽ 30 കോടി രൂപ മാത്രമേ നൽകാൻ സാധിക്കുകയുള്ളൂവെന്ന നിലപാടിലാണ് സർക്കാർ. അതിനിടെ, മെയ് മാസത്തെ ശമ്പളം അഞ്ചാം തീയതിക്കുള്ളിൽ നൽകിയില്ലെങ്കിൽ ആറാം തീയതി മുതൽ സമരം നടത്തുമെന്ന് സിഐടിയു തന്നെ മുന്നറിയിപ്പ് നൽകിയിട്ടുണ്ട്.
Most Read: പ്രശസ്‌ത ചലച്ചിത്ര പിന്നണി ഗായിക സംഗീത സജിത് അന്തരിച്ചു
