കോഴിക്കോട്: കോൺഗ്രസ് പാർട്ടിയെ ശക്തിപ്പെടുത്താൻ കെഎസ്യു പുനസംഘടന അനിവാര്യമെന്ന് സംസ്ഥാന അധ്യക്ഷന് കെഎം അഭിജിത്ത്. അതിനായി സംസ്ഥാന, ജില്ലാ കമ്മിറ്റികള് പിരിച്ചുവിടണമെന്നും അഭിജിത്ത് പറഞ്ഞു. ഇക്കാര്യം ചൂണ്ടിക്കാട്ടി എന്എസ്യു നേതൃത്വത്തിന് അഭിജിത്ത് കത്തയച്ചു.
സാധാരണ 2 വര്ഷം കൂടുമ്പോഴാണ് തിരഞ്ഞെടുപ്പിലൂടെ കമ്മിറ്റി രൂപീകരിക്കുന്നത്. എന്നാല് 2017ൽ നിലവിൽ വന്ന കമ്മിറ്റിയാണ് ഇപ്പോഴും തുടരുന്നത്. അതിനാൽ കാലാവധി കഴിഞ്ഞ സംസ്ഥാന, ജില്ലാ കമ്മിറ്റികൾ പിരിച്ചു വിടണമെന്നാണ് അഭിജിത്ത് പറയുന്നത്. ഇപ്പോഴത്തെ പരാജയത്തിൽ നിന്നും കോണ്ഗ്രസിനെ രക്ഷിക്കാൻ ആദ്യം പോഷക സംഘടനകളെ ശക്തിപ്പെടുത്തണം എന്നും അദ്ദേഹം കൂട്ടിച്ചേർത്തു.
തിരഞ്ഞെടുപ്പ് സമയത്ത് മാത്രം തട്ടിക്കൂട്ടുന്ന ഒന്നായി ‘യുഡിഎഫ് സംവിധാനം’ പലയിടത്തും മാറിയെന്നും കോണ്ഗ്രസ് ആള്ക്കൂട്ടമായതാണ് തിരഞ്ഞെടുപ്പ് തോല്വിക്ക് കാരണമെന്നും വിമർശിച്ച് നേരത്തെയും അഭിജിത്ത് രംഗത്ത് വന്നിരുന്നു.
Read also: വ്യാജ പ്രചാരണങ്ങൾ; ബാബ രാംദേവിന് നോട്ടീസയച്ച് ഐഎംഎ