മലപ്പുറം: വനിതകൾക്ക് തൊഴിലവസരങ്ങളുമായി കുടുംബശ്രീയുടെ ഹോം ഷോപ് പദ്ധതി. കുടുംബശ്രീ ജില്ലാമിഷന്റെ നേതൃത്വത്തിൽ ആദ്യഘട്ടത്തിൽ കൊണ്ടോട്ടി, മഞ്ചേരി നഗരസഭകളിലും കൊണ്ടോട്ടി, അരീക്കോട് ബ്‌ളോക്ക് പഞ്ചായത്തിലുമാണ് ഹോം ഷോപ് ആരംഭിക്കുന്നത്. പദ്ധതിയിലൂടെ ഒരു ബ്‌ളോക്ക് പഞ്ചായത്ത് പരിധിയിൽ മാത്രം വിവിധതലങ്ങളിൽ സൃഷ്‌ടിക്കപ്പെടുക അഞ്ഞൂറിലധികം തൊഴിലവസരങ്ങളാണ്.
കുടുംബശ്രീ വനിതകളുടെ നേതൃത്വത്തിൽ നിർമിക്കുന്ന വിഷരഹിതമായ, ഗുണമേൻമയുള്ള പ്രാദേശിക ഉൽപന്നങ്ങൾക്ക് തദ്ദേശീയമായി വിപണി കണ്ടെത്തുന്ന പദ്ധതിയാണ് ഹോം ഷോപ്. ന്നാംഘട്ടത്തിൽ ഓരോ സിഡിഎസിനു കീഴിലും ഓരോ സിഎൽസിമാരെയും വാർഡുതല ഫെസിലിറ്റേറ്റർമാരെയും നിയമിക്കും. അപേക്ഷകരിൽനിന്ന് പ്രത്യേക അഭിമുഖം നടത്തിയാണ് ഫെസിലിറ്റേറ്റർമാരെയും സിഎൽസിമാരെയും കണ്ടെത്തുക. തിരഞ്ഞെടുക്കുന്നവർക്ക് ഒരാഴ്‌ച പരിശീലനം നൽകിയ ശേഷമാകും നിയമനം.
Also Read: ഭക്ഷണം പാഴ്‌സൽ നൽകുന്നതിനെ ചൊല്ലി തർക്കം; അതിഥി തൊഴിലാളിയ്‌ക്ക് ക്രൂരമർദ്ദനം
