മലപ്പുറം: മുസ്‌ലിം ലീഗിനെ എൻഡിഎയിലേക്ക് ക്ഷണിച്ച ശോഭാ സുരേന്ദ്രന് മറുപടിയുമായി പികെ കുഞ്ഞാലിക്കുട്ടി. കറകളഞ്ഞ മതേതര സ്വാഭാവമുള്ള പാർട്ടിയാണ് ലീഗെന്നും ആ ലീഗിനെ ക്ഷണിക്കാൻ മാത്രം ബിജെപി വളർന്നിട്ടില്ലെന്നും കുഞ്ഞാലിക്കുട്ടി പ്രതികരിച്ചു.
ബിജെപിക്ക് ക്ഷണിക്കാൻ നല്ലത് ഇപ്പോൾ സംസ്‌ഥാനം ഭരിക്കുന്ന പാർട്ടിയെ ആണ്. ഇടതുപക്ഷം സംസാരിക്കുന്നത് ബിജെപിയുടെ ഭാഷയിലാണെന്നും കുഞ്ഞാലിക്കുട്ടി പറഞ്ഞു. മുസ്‌ലിം ലീഗിനെ എൻഡിഎയിലേക്ക് ക്ഷണിച്ചുള്ള ശോഭ സുരേന്ദ്രന്‍റെ പ്രസ്‌താവന ചർച്ച ആയതോടെയാണ് കുഞ്ഞാലിക്കുട്ടിയുടെ പ്രതികരണം.
ശോഭ സുരേന്ദ്രൻ തന്റെ പ്രസ്‌താവന ഇന്ന് വീണ്ടും ആവർത്തിച്ചിരുന്നു. ഇതിനെ ആദ്യം തള്ളിയ ബിജെപി സംസ്‌ഥാന അധ്യക്ഷൻ കെ സുരേന്ദ്രൻ, മുസ്‌ലിം ലീഗ് നയം മാറ്റി വന്നാൽ എൻഡിഎയിലേക്ക് സ്വീകരിക്കാൻ തയാറാണെന്ന് ഇന്ന് പ്രതികരിച്ചിരുന്നു. എൻഡിഎയിലേക്ക് ആർക്കും വാരമെന്ന് കുമ്മനം രാജശേഖരനും പ്രതികരിച്ചിരുന്നു.
National News: ഡിജിറ്റൽ മാദ്ധ്യമ നിയന്ത്രണം; പുതിയ വ്യവസ്‌ഥകൾ ഇല്ലെന്ന് കേന്ദ്രം
