പാലക്കാട്: കുതിരാൻ തുരങ്കത്തിന്റെ പടിഞ്ഞാറേ തുരങ്കമുഖത്തേക്കുള്ള റോഡ് പണി നിലവിൽ അവസാന ഘട്ടത്തിലെത്തി. അടുത്ത മാസം ആദ്യവാരത്തോടെ റോഡ് തുറന്നു കൊടുക്കുമെന്നാണ് അധികൃതർ വ്യക്തമാക്കുന്നത്. നിലവിൽ തുരങ്കത്തിന് മുന്നിൽ ഉണ്ടായിരുന്ന പാറ മുഴുവനും പൊട്ടിച്ചു നീക്കിയിട്ടുണ്ട്. കൂടാതെ ഉടൻ തന്നെ മെറ്റിലിങ്ങും ടാറിങ്ങും ആരംഭിക്കുമെന്നും അധികൃതർ കൂട്ടിച്ചേർത്തു.
തൃശൂർ ഭാഗത്ത് നിന്നും എത്തുന്ന വാഹനങ്ങൾ നിലവിൽ ഒറ്റവരിയായാണ് സഞ്ചരിക്കുന്നത്. അതിനാൽ തന്നെ ഗതാഗത കുരുക്ക് ഇവിടെ രൂക്ഷമാണ്. ഗതാഗതക്കുരുക്ക് ഒഴിവാക്കുന്നതിനായി റോഡിന്റെ നിർമാണം അടിയന്തിരമായി പൂർത്തിയാക്കാൻ ദേശീയപാത അതോറിറ്റി നിർമാണ കമ്പനിക്ക് നിർദ്ദേശം നൽകുകയും ചെയ്തിരുന്നു.
Read also: ജഹാംഗീർപുരിയിലെ അനധികൃത കയ്യേറ്റങ്ങൾ ഒഴിപ്പിക്കുന്നു; അടിയന്തര നീക്കം