കൊച്ചി: ബിപിസിഎല്ലിൽ പാചക വാതക വിതരണം തടസപ്പെട്ടു. ബിപിസിഎൽ തൊഴിലാളികളുടെ സമരത്തെ തുടർന്നാണ് പാചക വാതക വിതരണം തടസപ്പെട്ടത്. ലോഡിംഗിന് കൂടുതൽ ജീവനക്കാരെ നിയമിക്കണമെന്നാണ് സമരക്കാരുടെ ആവശ്യം. എന്നാൽ ഇത് നടപ്പാക്കാത്തതോടെ സമരത്തിലേക്ക് തിരിയുകയായിരുന്നു.
സംസ്ഥാനത്തിന്റെ വിവിധ ഭാഗങ്ങളിൽ നിന്നെത്തിയ ലോറികൾ ഇവിടെ കെട്ടിക്കിടക്കുകയാണ്. തൊഴിലാളികളുടെ കുറവ് മൂലം സിലിണ്ടർ കയറ്റുന്നത് വൈകുന്നതായി സമരക്കാർ പറയുന്നു. അധികൃതർക്ക് മുന്നിൽ പല പ്രാവശ്യം പ്രശ്നം അവതരിപ്പിച്ചെങ്കിലും നടപടി സ്വീകരിക്കാൻ തയ്യാറായില്ലെന്നും സമരക്കാർ ചൂണ്ടിക്കാണിക്കുന്നു.
Read Also: സംസ്ഥാനത്ത് ബാക് ടു ബേസിക്സ് ക്യാംപയിൻ ശക്തിപ്പെടുത്തി ആരോഗ്യവകുപ്പ്