കൊടുവള്ളി: ഭൂമി കൈയേറ്റവുമായി ബന്ധപ്പെട്ട് കിഴക്കോത്ത് പഞ്ചായത്തിലെ വെള്ളാറമ്പാറമല ശ്മശാനഭൂമി റവന്യൂ അധികൃതര് സന്ദര്ശിച്ചു. ശ്മശാന ഭൂമിയുമായി ബന്ധപ്പെട്ട് ഹൈക്കോടതില് കേസ് തുടരുകയാണ്.
എന്നാല് ഈ സാഹചര്യത്തിലും തര്ക്ക ഭൂമിക്കുമേല് കിഴക്കോത്ത് വില്ലേജില് കരം സ്വീകരിച്ചിരുന്നു. ഇതേതുടര്ന്ന് വെള്ളാറമ്പാറമല കള്ളാടി സമുദായ ശ്മശാന സംരക്ഷണ സമിതി കളക്ടര്ക്ക് പരാതി നല്കി. ഈ പരാതിയുടെ അടിസ്ഥാനത്തിലാണ് താമരശ്ശേരി താലൂക്ക് തഹസില്ദാരും കിഴക്കോത്ത് വില്ലേജ് ഓഫീസറും തെളിവെടുപ്പിനായി സ്ഥലം സന്ദര്ശിച്ചത്.
വര്ഷങ്ങളായി കള്ളാടി സമുദായക്കാരുടെ മൃതദേഹം സംസ്കരിച്ചു വരുന്ന ഭൂമി വ്യാജരേഖ ചമച്ച് സ്വകാര്യ വ്യക്തി കൈവശപ്പെടുത്താന് ശ്രമിച്ചെന്നാണ് കള്ളാടി ശ്മശാന സംരക്ഷണ സമിതിയുടെ പരാതി. നികുതി സ്വീകരിച്ചത് പിന്വലിക്കുന്നത് വരെ സമരത്തിൽ നിന്ന് പിൻമാറില്ലെന്ന് സമിതി പ്രസിഡണ്ട് എം അജയന് പറഞ്ഞു.
Read also: കൊയിലാണ്ടിക്കായി ബജറ്റിൽ വകയിരുത്തിയത് 10.10 കോടി രൂപ